മുംബൈ: ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനെ ഹിറ്റ്ലറോട് ഉപമിച്ച് ശിവസേന. ശിവസേന മുഖപത്രമായ സാമ്നയില് രാജ്യസഭ എം.പിയായ സഞ്ജയ് റാവത്താണ് ആദിത്യനാഥിനെതിരെ രൂക്ഷവിമര്ശനം ഉന്നയിച്ചത്. അന്തര് സംസ്ഥാന തൊഴിലാളി വിഷയത്തിലെ ആദിത്യനാഥിന്െറ നിലപാട് ചൂണ്ടിക്കാട്ടിയായിരുന്നു വിമര്ശം.
ഹിറ്റ്ലര് ജൂതന്മാരോട് പെരുമാറിയതിന് സമാനമാണ് അന്തര് സംസ്ഥാന തൊഴിലാളികളോടുള്ള യോഗിയുടെ മനോഭാവമെന്ന് റാവത്ത് പറഞ്ഞു. യോഗി തൊഴിലാളികളെ നാട്ടിലേക്ക് പോകാന് സമ്മതിക്കുന്നില്ലെന്ന് റാവത്ത് കുറ്റപ്പെടുത്തി.
നേരത്തെ അന്തര് സംസ്ഥാന തൊഴിലാളികള് കാല്നടയായും, സൈക്കിളുകളിലും ട്രക്കുകളിലും വീടുകളിലേക്ക് പോകുന്നത് തടയണമെന്ന് യോഗി ഉത്തരവിട്ടിരുന്നു. ഇതിലാണ് ശിവസേനയുടെ വിമര്ശനം.