മുസാഫര്നഗര്: യോഗി ആദിത്യനാഥിന്റെ യുപിയില് ദളിത് പീഡനം തുടര്ക്കഥയാകുന്നു. മുസാഫര്നഗറില് ലൈംഗീക അപമാനത്തിന് ഇരയായ യുവതി തൂങ്ങിമരിച്ചു. മുസാഫര്നഗറിലെ റായ്പുരിലായിരുന്നു സംഭവം.
പരാതിയില് പോലീസ് കേസെടുക്കാതിരുന്നതിനെ തുടര്ന്നായിരുന്നു യുവതി ജീവനൊടുക്കിയത്. ചുടുകട്ട നിര്മാണ തൊഴിലാളിയായിരുന്ന യുവതിയെ രണ്ടു പേരാണ് അപമാനിച്ചത്. സംഭവത്തില് പരാതിയുമായി യുവതിയും ഭര്ത്താവും ഫുഗാന പോലീസ് സ്റ്റേഷനില് എത്തിയെങ്കിലും കേസെടുക്കാന് പോലീസ് തയാറായില്ല.
ഇതോടെ മാനസിക സമ്മര്ദത്തിലായ യുവതി വീടിനുള്ളില് തൂങ്ങിമരിക്കുകയായിരുന്നു. സംഭവം വിവാദമായതോടെ എസ്ഐ സുഭാഷ് ചന്ദയെ അന്വേഷണ വിധേയമായി സസ്പെന്ഡ് ചെയ്തു.