അമരാവതി: ഡല്ഹി സര്ക്കാരിനു പിന്നാലെ മദ്യത്തിന് വില വീണ്ടും കൂട്ടി ആന്ധ്രാപ്രദേശ് സര്ക്കാര്. മദ്യത്തിന് 75 ശതമാനം അധിക നികുതി ഈടാക്കാനാണ് സര്ക്കാര് തീരുമാനം.
കഴിഞ്ഞ ദിവസമാണ് സംസ്ഥാനത്ത് മദ്യശാലകള് തുറക്കാന് സര്ക്കാര് അനുമതി നല്കിയത്. അന്പതു ശതമാനം അധിക നികുതി ഏര്പ്പെടുത്തുകയും ചെയ്തിരുന്നു. എന്നാല് ഇതിനു ശേഷവും മദ്യശാലകളിലെ തിരക്ക് വര്ധിച്ച സാഹചര്യത്തിലാണ് 75 ശതമാനമായി നികുതി വര്ധിപ്പിച്ചത്.
മദ്യപാന നിരക്കില് അസാധാരണമായ വര്ധനവാണ് ഉണ്ടായിരിക്കുന്നത്. മദ്യാസക്തിയില്നിന്ന് ജനങ്ങളെ നിരുത്സാഹപ്പെടുത്തുന്നതിനും ആരോഗ്യം സംരക്ഷിക്കുന്നതിനുമായാണ് പുതിയ തീരുമാനം കൈക്കൊണ്ടതെന്നും സ്പെഷല് ചീഫ് സെക്രട്ടറി രജത് ഭാര്ഗവ അറിയിച്ചു.