ന്യൂഡല്ഹി: പ്രധാനമന്ത്രി നരേന്ദ്ര മോദിക്കെതിരേ ഡബ്സ്മാഷ് പരിഹാസവുമായി ജയിലില് കഴിയുന്ന ആര്ജെഡി നേതാവ് ലാലു പ്രസാദ് യാദവ്. 2014 ലോക്സഭാ തെരഞ്ഞെടുപ്പില് നരേന്ദ്ര മോദിയും ബിജെപിയും നല്കിയ വാഗ്ദാനങ്ങളെ പരിഹസിച്ചായിരുന്നു ലാലുവിന്റെ ഡബ്സ്മാഷ്.
മേരേ പ്യാരേ ഭായിയോം ഓര് ബെഹനോം.. എന്നു തുടങ്ങുന്ന വീഡിയോയില് മോദിയുടെ അച്ഛാദിന് പ്രസംഗത്തിനും ഇന്ത്യയിലെ പാവപ്പെട്ടവര്ക്ക് 15-20 ലക്ഷം കൊടുക്കുമെന്ന് പറയുന്നതിനും അനുസരിച്ചാണ് ലാലു ചുണ്ടനക്കുന്നത്. ഇതൊരു തട്ടിപ്പാണെന്നു പറഞ്ഞാണ് 17 സെക്കന്ഡ് വീഡിയോ ഡബ്സ്മാഷ് അവസാനിക്കുന്നത്. അഴിമതിക്കേസില് ജയില്ശിക്ഷയ്ക്കു വിധിക്കപ്പെട്ട ലാലു, നിലവില് റാഞ്ചിയിലെ ആശുപത്രിയില് ചികിത്സയിലാണ്. എവിടെനിന്നാണ് ഈ വീഡിയോ പകര്ത്തിയതെന്നു വ്യക്തമല്ല.
