ന്യൂഡല്ഹി: മുത്തലാഖ് ബില്ലിനെ എന്തുവിലകൊടുത്തും എതിര്ത്ത് തോല്പ്പിക്കുമെന്ന് മുസ്ലീം ലീഗ് ദേശീയ ജനറല് സെക്രട്ടറി പി.കെ. കുഞ്ഞാലിക്കുട്ടി. ബില്ല് പരാജയപ്പെടുത്താന് മുസ്ലീം ലീഗ് മുന്കൈ എടുക്കും. ബില്ലിനെതിരേ പ്രതിപക്ഷ കക്ഷികള് ഒറ്റക്കെട്ടാണ്. ഇക്കാര്യത്തില് യുപിഎയ്ക്കു പുറത്തുള്ള കക്ഷികളുടെ കൂടി സഹായം തേടുമെന്നും കുഞ്ഞാലിക്കുട്ടി പറഞ്ഞു.
ആദ്യ ഘട്ടത്തില് ബില്ലിനെ കോണ്ഗ്രസ് എതിര്ത്തിരുന്നില്ല. ഉത്തരേന്ത്യന് സാഹചര്യം വച്ചാണ് കോണ്ഗ്രസ് അന്ന് അങ്ങനെ നിലപാടെടുത്തത്. പിന്നീട് ലീഗ് മുന്കൈയെടുത്താണ് കോണ്ഗ്രസ് നിലപാട് മാറ്റിയതെന്നും കുഞ്ഞാലിക്കുട്ടി കൂട്ടിച്ചേര്ത്തു.
മുത്തലാഖ് ബില് ചര്ച്ച ചെയ്ത ദിവസം ലോകസഭയില് കുഞ്ഞാലിക്കുട്ടി എത്താതിരുന്നതിനെതിരേ രൂക്ഷ വിമര്ശനമാണ് പാര്ട്ടിയില്നിന്നും ഉയര്ന്നുവന്നിരുന്നു. ഇക്കാര്യത്തില് കുഞ്ഞാലിക്കുട്ടി കഴിഞ്ഞ ദിവസം പാര്ട്ടിക്ക് വിശദീകരണം നല്കുകയും ചെയ്തിരുന്നു.