ആര് ശങ്കര് പ്രതിമാ അനാച്ഛാദന ചടങ്ങില് നിന്ന് മുഖ്യമന്ത്രിയെ ഒഴിവാക്കാന് നിര്ദേശം നല്കിയിട്ടില്ലെന്ന് പ്രധാനമന്ത്രിയുടെ ഓഫീസ്. കൊല്ലത്ത് നടക്കുന്നത് ഒരു സ്വകാര്യ ചടങ്ങാണ്. ആരൊക്കെ ചടങ്ങില് പങ്കെടുക്കണമെന്ന് നിശ്ചയിക്കുന്നത് സംഘാടകരാണ്. പ്രോട്ടോക്കോള് വിഷയങ്ങളില് മാത്രമെ ഇടപെടുകയുള്ളുവെന്നും പ്രധാനമന്ത്രിയുടെ ഓഫീസ് അറിയിച്ചു.ചടങ്ങില് നിന്ന് മുഖ്യമന്ത്രിയെ ഒഴിവാക്കാന് പ്രധാനമന്ത്രിയുടെ ഓഫീസ് ഇടപെട്ടിട്ടില്ലെന്ന് ആഭ്യന്തര മന്ത്രി രാജ്നാഥ് സിങും വ്യക്തമാക്കി. ലോക്സഭയില് നല്കിയ മറുപടിയിലാണ് രാജ്നാഥ് സിങ് ഇക്കാര്യം വ്യക്തമാക്കിയത്. എസ്എന്ഡിപി എന്ന സംഘടനയാണ് ചടങ്ങ് സംഘടിപ്പിക്കുന്നത്. ആര് പങ്കെടുക്കണമെന്ന് അവരാണ് തീരുമാനിക്കുന്നത്. പരിപാടിയില് പങ്കെടുക്കാന് കഴിയില്ലെന്ന് കാണിച്ച് മുഖ്യമന്ത്രി കത്തയച്ചിരുന്നുവെന്നും അദ്ദേഹം വ്യക്തമാക്കി.
