മാസപ്പടി കേസില് സി.എം.ആർ.എല് ഉദ്യോഗസ്ഥരുടെ ചോദ്യം ചെയ്യല് തുടരും. കഴിഞ്ഞ രണ്ടു ദിവസങ്ങളിലായി അഞ്ച് ഉദ്യോഗസ്ഥരെ ഇ.ഡി ചോദ്യം ചെയ്തു.ചീഫ് ഫിനാൻസ് ഓഫീസർ സുരേഷ് കുമാർ, ഐടി മാനേജർ എൻ.സി.ചന്ദ്രശേഖരൻ, കമ്ബനി സെക്രട്ടറി പി.സുരേഷ് കുമാർ, സീനിയർ ഓഫീസർ അഞ്ജു, മുൻ കാഷ്യർ വാസുദേവൻ എന്നിവരെയാണ് അന്വേഷണസംഘം ചോദ്യം ചെയ്തത്.
മുഖ്യമന്ത്രി പിണറായി വിജയന്റെ മകള് ടി വീണയുടെ കമ്ബനിയായ എക്സാലോജിക്കിന് സി.എം.ആർ.എല് പണം നല്കിയിട്ടുണ്ടെന്നും എന്നാല് അത് എന്ത് സേവനത്തിന്റെ പേരിലാണെന്ന് അറിയില്ലെന്നും ഉദ്യോഗസ്ഥർ മൊഴി നല്കി.
എക്സാലോജിക്കുമായുള്ള സാമ്ബത്തിക ഇടപാടുകളില് കൂടുതല് വ്യക്തത വരുത്താൻ സി.എം.ആർ.എല് എം.ഡി ശശിധരൻ കർത്തയെ ചോദ്യം ചെയ്യാൻ തീരുമാനിച്ചിരുന്നെങ്കിലും ആരോഗ്യ പ്രശ്നങ്ങളുള്ളതിനാല് ചോദ്യം ചെയ്യലില് നിന്ന് ഒഴിവാക്കണം എന്ന് ആവശ്യപ്പെട്ട് അദ്ദേഹം ഹൈക്കോടതിയെ സമീപിച്ചുസി.എം.ആർ.എല് പ്രതിനിധികളില് നിന്ന് പരമാവധി വിവരശേഖരണം നടത്തി ഉടൻ മുഖ്യമന്ത്രിയുടെ മകള് ടി വീണയ്ക്ക് നോട്ടീസ് നല്കാനാണ് ഇ.ഡിയുടെ നീക്കം.
