ചിത്രീകരണം പൂര്ത്തിയായതും നിര്മാണം പുരോഗമിക്കുന്നതും ഉടന് ചിത്രീകരണം ആരംഭിക്കുന്നതുമായ ഇരുപതിലധികം സിനിമകളാണ് മമ്മൂട്ടിയുടേതായി അണിയറയില് ഒരുങ്ങുന്നത്. പെണ്വേഷമുള്പ്പെടെ നാലു വേഷങ്ങളില് മമ്മൂട്ടി പ്രത്യക്ഷപ്പെടുന്ന, ചരിത്രവും സങ്കല്പവും സമന്വയിപ്പിക്കുന്ന “മാമാങ്കം’ നാലു ഷെഡ്യൂളുകളായാണ് ചിത്രീകരിക്കുക. ആദ്യഷെഡ്യൂള് മംഗലാപുരത്ത് പൂര്ത്തിയായി. രണ്ടാം ഷെഡ്യൂള് എറണാകുളത്ത് തുടരുന്നു. നവാഗതനായ സജീവ് പിള്ള സംവിധാനം ചെയ്യുന്ന മാമാങ്കം ഹിന്ദി, തമിഴ്, തെലുങ്ക് എന്നിവയിലേക്കു മൊഴിമാറ്റം നടത്തും. മമ്മൂട്ടിയുടെ സ്ത്രീ വേഷം കാണാന് ആരാധകര് ആകാംക്ഷയോടെ കാത്തിരിക്കുകയാണ് സന്തോഷ് ശിവന് സംവിധാനം ചെയ്യുന്ന ഒരു ബിഗ് പ്രൊജക്ടാണ് “കുഞ്ഞാലിമലയ്ക്കാര്’. ആറാം നൂറ്റാണ്ടില് കോഴിക്കോട് ഭരിച്ചിരുന്ന സാമൂതിരി രാജാക്കന്മാരുടെ കാലഘട്ടം. 1948-ല് പോര്ച്ചുഗീസ് പറങ്കികള്ക്കെതിരേ നാവിക പ്രതിരോധം തീര്ത്ത നാവികപ്പടയുടെതലവന് കുഞ്ഞാലിമരയ്ക്കാര് നാലാമന്റെ കഥ. സാഹിത്യകാരനായ ടി.പി.
രാജീവനും നടനും തിരക്കഥാകൃത്തുമായ ശങ്കര് രാമകൃഷ്ണനും ചേര്ന്നാണ് ഈ ചിത്രത്തിന്റെ തിരക്കഥ രചിക്കുന്നത്. മലയാളത്തിനു പുറമേ ഹിന്ദി, തമിഴ്, തെലുങ്ക് എന്നീ ഭാഷകളിലും റിലീസ് ചെയ്യും. തിരക്കഥാകൃത്തായ സേതു ആദ്യമായി സംവിധായകന്റെ മേലങ്കിയണിയുന്ന ചിത്രമാണ് “ഒരു കുട്ടനാടന് ബ്ലോഗ്’. പൂര്ണമായും കുട്ടനാട്ടില് ചിത്രീകരിക്കുന്ന സിനിമയുടെ ചിത്രീകരണം പൂര്ത്തിയായി.
റായ് ലക്ഷ്മിയാണു നായിക. രതീഷ് ആന്റണി സംവിധാനം ചെയ്യുന്ന ബിഗ് ബജറ്റ് ആക്ഷന് ത്രില്ലറാണ് “വന്പന്’. പുലിമുരുകനിലെ ത്രസിപ്പിക്കുന്ന സ്റ്റണ്ടുരംഗങ്ങള് ഒരുക്കിയ പീറ്റര് ഹെയ്നാണ് ആക്ഷന് കൊറിയോഗ്രഫി. ബിഗ്ബിയില് മമ്മൂട്ടി അവതരിപ്പിച്ച കഥാപാത്രം “ബിലാല്’ ടൈറ്റില് റോളില് വരുന്ന ചിത്രമാണ് ബിലാല്.
അമല് നീരദ് അണിയിച്ചൊരുക്കുന്നു. ഒരു ആക്ഷന് ത്രില്ലറാണ്. പത്തുവര്ഷം മുന്പ് വന് വിജയമായി മാറിയ ബിഗ്ബിയുടെ തുടര്ച്ചയാണ് “ബിലാല്’. വൈശാഖ് സംവിധാനം ചെയ്ത ഹിറ്റ് ചിത്രം പോക്കിരി രാജയുടെ രണ്ടാംഭാഗം “രാജാ 2′ വൈശാഖ് തന്നെ സംവിധാനം ചെയ്യുന്നു.
മമ്മൂട്ടിയുടെ ആരാധകര് ആവേശത്തോടെ കാത്തിരിക്കുന്ന ചിത്രം. ബേസില് ജോസഫ് സംവിധാനം ചെയ്യുന്ന പേരിടാത്ത ചിത്രത്തിന് തിരക്കഥ രചിക്കുന്നത് പ്രശസ്ത തിരക്കഥാകൃത്ത് ആര്. ഉണ്ണി. “കാട്ടാളന് പൊറിഞ്ചു’ എന്ന മമ്മൂട്ടി ചിത്രം ടോം ഇമ്മട്ടി സംവിധാനം ചെയ്യുന്നു.
കോമഡിക്കും ആക്ഷനും ഒരുപോലെ പ്രാധാന്യം നല്കുന്ന സിനിമയുടെ അണിയറ പ്രവര്ത്തനങ്ങള് പുരോഗമിക്കുന്നു. അനുരാഗകരിക്കിന്വെള്ളം എന്ന സിനിമയുടെ സംവിധായകന് റഹ്മാന് ഖാലിദ് സംവിധാനം ചെയ്യുന്ന മമ്മൂട്ടി ചിത്രത്തിന് “ഉണ്ട’ എന്ന് നാമകരണം ചെയ്തിരിക്കുന്നു. ലൊക്കേഷന് ഹിമാലയം, ഭൂട്ടാന്, നേപ്പാള്. മമ്മൂട്ടിയുടെ സേതുരാമയ്യര് സിബിഐയുടെ അഞ്ചാം ഭാഗം വരികയാണ്.വന് ഹിറ്റായ മുന് ഭാഗങ്ങളുടെ ശില്പികളായ കെ.
മധുവും എസ്.എന്. സ്വാമിയും വീണ്ടും ഒന്നിക്കുന്നു. മമ്മൂട്ടി ഒരു പുതിയ ഗെറ്റപ്പില് എത്തുന്ന സിനിമയാണ് നാദിര്ഷ സംവിധാനം ചെയ്യുന്ന “ഒരു കള്ളന്’. ഉലകനായകന് കമല്ഹാസന് അപൂര്വ സഹോദരങ്ങളില് ചെയ്തതുപോലെ ഒരു കുള്ളന്വേഷം.
സിനിമാ പ്രേമികള് ഏറെ പ്രതീക്ഷയോടെ കാത്തിരിക്കുന്ന ഒരു മമ്മൂട്ടി ചിത്രം. മമ്മൂട്ടി കേരളത്തിന്റെ ഇടതുപക്ഷ മുഖ്യമന്ത്രിയായി അഭിനയിക്കുന്ന രാഷ്ട്രീയ ചിത്രമാണ് “സഖാവ് പി.വി’. സന്തോഷ് വിശ്വനാഥ് സംവിധാനം ചെയ്യുന്ന ഈ ചിത്രത്തിന് ബോബി സഞ്ജയ് തിരക്കഥ രചിക്കുന്നു. ആന്ധ്രപ്രദേശ് മുഖ്യമന്ത്രിയായിരുന്ന വൈ.എസ്.
രാജശേഖര റെഡ്ഡിയുടെ ജീവിതകഥ സിനിമയാകുന്നു. മമ്മൂട്ടിയാണ് രാജശേഖര റെഡ്ഡിയായി അഭിനയിക്കുന്നത്. “യാത്ര’ എന്ന് നാമകരണം ചെയ്തിരിക്കുന്ന ഈ ചിത്രം സംവിധാനം ചെയ്യുന്നത് മഹിവിരാഘവ് ആണ്. മമ്മൂട്ടി സഞ്ചാര പ്രിയനാകുന്ന ചിത്രം ഡീന് ഡെന്നീസ് സംവിധാനം ചെയ്യുന്നു.
പേരു നിശ്ചയിക്കാത്ത ഈ ചിത്രത്തില് മമ്മൂട്ടിയുടെ കഥാപാത്രത്തിന്റെ പേര് വിനോദ് മേനോന്. സൗബിന് ഷാഹിറിന്റെ പേരിടാത്ത ചിത്രത്തിലും മമ്മൂട്ടിയാണ് നായകന്. അണിയറ പ്രവര്ത്തനങ്ങള് നടന്നു വരുന്നു. മമ്മൂട്ടിയുടെ സൂപ്പര് ഹിറ്റ് ചിത്രമായ കോട്ടയം കുഞ്ഞച്ചന്റെ രണ്ടാം ഭാഗം മിഥുന് മാനുവല് സംവിധാനം ചെയ്യുന്നതായി പ്രഖ്യാപിച്ചിരുന്നു.
ചില തര്ക്കങ്ങള് കാരണം കോട്ടയം കുഞ്ഞച്ചന് എന്ന ടൈറ്റില് ഉപയോഗിക്കാതെ ചിത്രം അണിയിച്ചൊരുക്കുമെന്ന് നിര്മാതാവ് വിജയ് ബാബു വ്യക്തമാക്കിയിട്ടുണ്ട്. ലിജോ ജോസ് പെല്ലിശേരി, ഹാപ്പി വെഡിംഗിലൂടെ പ്രശസ്തനായ ഒമര്ലുലു എന്നീ സംവിധായകരുടെ ചിത്രങ്ങളിലും മമ്മൂട്ടി നായകനാകുന്നതായി വാര്ത്തയുണ്ട്. ടിനി ടോം തിഥക്കഥയെഴുതുന്ന ചിത്രത്തിലും മമ്മൂട്ടി നായകനാകുന്നതായി റിപ്പോര്ട്ടുണ്ട്. വര്ഷങ്ങള്ക്കുശേഷം മമ്മൂട്ടിയുടെ ഒരു തമിഴ് ചിത്രം തിയറ്ററുകളിലേത്തുകയാണ്.
റാം സംവിധാനം ചെയ്ത “പേരന്പ്’. ടാക്സി ഡ്രൈവറായ അമുദന് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. ബേബിജോര്ജ് രാജാക്കാട്.