മണിപ്പൂർ ബജറ്റിനെക്കുറിച്ചുള്ള ചർച്ചയ്ക്കിടെ,പ്രധാനമന്ത്രി നരേന്ദ്ര മോദി സംഘർഷഭരിതമായ സംസ്ഥാനം സന്ദർശിക്കാത്തതിനെയും കേന്ദ്ര സർക്കാർ പ്രതിസന്ധി കൈകാര്യം ചെയ്യുന്നതിനെയും പ്രതിപക്ഷ അംഗങ്ങൾ ചൊവ്വാഴ്ച ലോക്സഭയിൽ ചോദ്യം ചെയ്തു. മണിപ്പൂരിൽ തുടരുന്ന വംശീയ അക്രമം ലോക്സഭയിൽ പ്രതിധ്വനിച്ചു.2024-25 ലെ അനുബന്ധ ഗ്രാന്റുകളുടെ ആവശ്യങ്ങളെയും 2021-22 ലെ അധിക ഗ്രാന്റുകളുടെ ആവശ്യങ്ങളെയും കുറിച്ചുള്ള ചർച്ചയ്ക്കൊപ്പം മണിപ്പൂർ ബജറ്റും ചർച്ച ചെയ്തു.
അക്രമത്തിൽ കുടിയിറക്കപ്പെട്ട 60,000 പേരുടെ അവസ്ഥ പരിഹരിക്കാത്തതിന് മണിപ്പൂർ ബജറ്റിനെ രണ്ട് എംപിമാരും വിമർശിച്ചു. രാഷ്ട്രപതി ഭരണത്തിൻ കീഴിലുള്ള സംസ്ഥാനത്തെ അടിസ്ഥാന യാഥാർത്ഥ്യത്തെ ബജറ്റ് രേഖ പ്രതിഫലിപ്പിക്കുന്നില്ലെന്ന് മറ്റ് പ്രതിപക്ഷ അംഗങ്ങൾ പറഞ്ഞു.എന്നാൽ, കേന്ദ്ര ധനമന്ത്രി നിർമ്മല സീതാരാമൻ തന്റെ മറുപടിയിൽ യുണൈറ്റഡ് പ്രോഗ്രസീവ് അലയൻസ് ഭരണകാലത്തെ “ദുർഭരണം” എന്ന് ചൂണ്ടിക്കാണിക്കുകയും “ദുർഭരണത്തിന്റെ പിഴവ്” മനസ്സിൽ സൂക്ഷിക്കണമെന്നും പറഞ്ഞു.
