കണ്ണൂര്‍: മട്ടന്നൂര്‍ അയ്യല്ലൂരില്‍ ബിജെപി പ്രവര്‍ത്തകന്‍റെ വീട്ടുവരാന്തയില്‍ റീത്ത് വച്ചു. കെഎസ്‌ആര്‍ടിസിയിലെ ഡ്രൈവറായ എന്‍. സുധീറിന്‍റെ വീട്ടുവരാന്തയിലാണ് റീത്തു കാണപ്പെട്ടത്. മുല്ലപൂവും തുണിയും കൊണ്ടുണ്ടാക്കിയ റീത്ത് വാഴ ഇലയിലാണു വച്ചത്.
പുലര്‍ച്ചെ വീട്ടുകാര്‍ ഉണര്‍ന്നപ്പോഴാണ് റീത്ത് കണ്ടത്. കഴിഞ്ഞ രാത്രി സുധീര്‍ വീട്ടിലുണ്ടായിരുന്നില്ല. വീട്ടുകാര്‍ പരാതിപ്പെട്ടതിനെ തുടര്‍ന്ന് മട്ടന്നൂര്‍ പോലീസ് സ്ഥലത്തെത്തി.
സമാധാനം നില നില്‍ക്കുന്ന പ്രദേശത്തു സംഘര്‍ഷമുണ്ടാക്കാനുള്ള ശ്രമമാണ് ഇതിനു പിന്നില്ലെന്നും പോലീസ് സംഭവം ഗൗരവത്തോടെ കാണണമെന്നും ബിജെപി മട്ടന്നൂര്‍ മണ്ഡലം പ്രസിഡന്‍റ് രാജന്‍ പുതുക്കുടി പത്രക്കുറിപ്പിലൂടെ അറിയിച്ചു.
