ഭോപ്പാല്‍: പ്രണയം തെളിയിക്കാന്‍ കാമുകിയുടെ വീട്ടുമുറ്റത്തുവെച്ച്‌ സ്വയം വെടിയുതിര്‍ത്ത ബി.ജെ.പി നേതാവ് ഗുരുതരാവസ്ഥയില്‍. ഭോപ്പാല്‍ അരിയ മണ്ഡലിലെ ഭാരതീയ ജനതാ യുവ മോര്‍ച്ച വൈസ് പ്രസിഡന്‍റായ അതുല്‍ ലോഖാണ്ഡെയാണ് പ്രണയനിയുടെ വീട്ടില്‍ വെച്ച്‌ ആത്മഹത്യക്ക് ശ്രമിച്ചത്. തലക്കു വെടിയേറ്റ അതുലിന് മസ്തിഷ്ക മരണം സംഭവിച്ചതായും വെന്‍റിലേറ്ററിെന്‍റ സഹായത്തോടെയാണ് ജീവന്‍ നിലനിര്‍ത്തുന്നതെന്നും ആശുപത്രി അധികൃതര്‍ അറിയിച്ചു.
അതുലിെന്‍റ കാമുകിയുടെ പിതാവ് തെന്‍റ മകളോടുള്ള പ്രണയം യഥാര്‍ത്ഥമാണെങ്കില്‍ ആത്മഹത്യ ചെയ്യാമോയെന്ന് വെല്ലുവിളിച്ചിരുന്നതായി നേരത്തെ ഫേസ്ബുക്കില്‍ കുറിച്ചിരുന്നു. പ്രണയിക്കുന്ന പെണ്‍കുട്ടിയില്ലാതെ ജീവിക്കാന്‍ കഴിയില്ലെന്നും താന്‍ ആത്മഹത്യ ചെയ്യുകയാണെങ്കില്‍ അതിന് ആരും അവളെ കുറ്റപ്പെടുത്തരുതെന്നും അതുല്‍ എഴുതിയിരുന്നു.
കഴിഞ്ഞ 13 വര്‍ഷങ്ങളായി ഇവര്‍ പ്രണയിത്തിലായിരുന്നുവെന്നും പെണ്‍കുട്ടിയുമായി വീട്ടുകാര്‍ ബന്ധുക്കളെ എതിര്‍ക്കുകയായിരുന്നുവെന്നും സുഹൃത്തുക്കള്‍ പറഞ്ഞു.
സംഭവത്തെ തുടര്‍ന്ന് പെണ്‍കുട്ടിയെയും കുടുംബത്തെയും പൊലീസ് മറ്റൊരിടത്തേക്ക് മാറ്റിപാര്‍പ്പിച്ചിരിക്കയാണ്.
