ചണ്ഡിഗഡ്: ഭീകര സംഘടനയായ അല് ക്വയ്ദയുടെ കാഷ്മീരിലെ തലവനായ സക്കീര് മൂസയെ പിടികൂടാനുള്ള വലവിരിച്ച് പഞ്ചാബ് പോലീസ്. ഭീകരനേതാവ് പഞ്ചാബിലെ ഫിറോസ്പൂരില് ഒളിച്ചിരിപ്പുണ്ടെന്ന് സന്ദേശം ലഭിച്ചതിനെ തുടര്ന്ന് പോലീസ് തെരച്ചില് ശക്തമാക്കി. നഗരത്തിന്റെ വിവിധ ഇടങ്ങളില് വാണ്ടഡ് പോസ്റ്ററുകള് പോലീസ് പതിപ്പിച്ചിട്ടുണ്ട്.
സക്കീര് മൂസയുടെ നീക്കങ്ങള് പോലീസ് ഏതാനും ദിവസങ്ങളായി നിരീക്ഷിച്ചിരുന്നുവെന്നാണ് സൂചനകള്. ഇയാള്ക്കൊപ്പം മറ്റ് ചില ജെയ്ഷ ഇ മുഹമ്മദ് ഭീകര് കൂടി ഫിറോസ്പൂര് നഗരത്തില് പ്രവേശിച്ചിട്ടുണ്ടെന്നാണ് രഹസ്യവിവരം. ഭീകരരെ പിടികൂടാനുള്ള ശ്രമങ്ങള് തുടരുകയാണെന്ന് ഗുര്ദാസ്പുര് എസ്എസ്പി സ്വരണ്ദീപ് സിംഗ് പറഞ്ഞു.
കാഷ്മീരിലെ നോര്പോറ സ്വദേശിയാണ് സക്കീര് മൂസ. ബുര്ഹാന് വാനിയുടെ പിന്ഗാമിയായി മൂസ ഹിസ്ബുള് ഭീകര സംഘടനയുടെ നേതൃത്വം ഏറ്റെടുക്കുമെന്നാണ് കരുതിയിരുന്നത്. എന്നാല് മൂസ ഹിസ്ബുള് അംഗങ്ങളുമായി തെറ്റിപ്പിരിയുകയായിരുന്നു.