ന്യൂഡല്ഹി: ലോക്സഭാ തെരഞ്ഞെടുപ്പിനുശേഷം കോണ്ഗ്രസുമായി സഹകരിക്കാന് സിപിഎം തയാറാകുമെന്ന് പാര്ട്ടി ജനറല് സെക്രട്ടറി സീതാറാം യെച്ചൂരി.
എല്ലാ പാര്ട്ടികള്ക്കും അവരുടേതായ പ്രാദേശിക അടിത്തറയുണ്ട്. അതിനപ്പുറം അവര്ക്കു നിലനില്പ്പില്ല. സംസ്ഥാനങ്ങളില് സ്വീകരിക്കുന്നതു പ്രാദേശിക രാഷ്ട്രീയമാണ്. സഖ്യസാധ്യതകള് സംസ്ഥാന തലത്തില് മാത്രമേ ഉണ്ടാകു. എന്നാല് സംസ്ഥാനങ്ങളിലെ ഈ നിലപാടുകള് ദേശീയതലത്തില് സഹകരണത്തിനു തടസമാകുകയുമില്ല- യെച്ചൂരി പറഞ്ഞു.
ദേശീയതലത്തില് മഹാസഖ്യ രൂപീകരണം സാധ്യമല്ലെന്നും ബിജെപിയെ പുറത്താക്കലാണു സിപിഎമ്മിന്റെ ലക്ഷ്യമെന്നും യെച്ചൂരി വ്യക്തമാക്കി.