പുതിയ നായകന്റെ കീഴില് ആദ്യ മത്സരത്തിനിറങ്ങിയ ഇന്ത്യ പ്യൂട്ടോറിക്കയ്ക്കെതിരെ തകര്പ്പന് ജയം സ്വന്തമാക്കി. റാങ്കിങ്ങില് ഇന്ത്യയേക്കാള് മുന്നിലുള്ള പ്യൂട്ടോറിക്കയെ ഒന്നിനെതിരെ നാലു ഗോളുകള്ക്ക് മുക്കിയാണ് ഇന്ത്യ വിജയം കുറിച്ചത്.
മുംബൈയിലെ തിങ്ങിനിറഞ്ഞ സ്റ്റേഡിയത്തില് ഗുര്പ്രീത് സിങ് സന്ധുവിന്റെ നായകത്വത്തിലെ ആദ്യ മത്സരം ഇന്ത്യ രാജകീയമാക്കി.
ഗോള് മഴ പെയ്തിറങ്ങിയ മത്സരത്തില് ആദ്യ ഗോള് ഏഴാം മിനിറ്റില് പെനാല്റ്റിയിലൂടെ പ്യൂട്ടോറിക്കയാണ് നേടിയത്. ഇലിയറ്റ് വെലെസിനെ വീഴ്ത്തിയതിന് ലഭിച്ച പെനാല്റ്റി ഇമ്മാനുവല് സാഞ്ചസ് ലക്ഷ്യത്തിലെത്തിച്ചു.
