തിരുവനന്തപുരം: പോലീസ് സ്റ്റേഷനുകളെ അഴിമതിമുക്തമാക്കുക ലക്ഷ്യമിട്ടു സംസ്ഥാനത്തു 65 പോലീസ് സബ്ഡിവിഷനുകള്‍ കൂടി രൂപീകരിക്കുന്നു. ഇതു സംബന്ധിച്ച ഉത്തരവ് ഡിജിപി പുറത്തിറക്കി.പോലീസ് സേനയുമായി ബന്ധപ്പെട്ട് നിരവധി പരാതികള്‍ ഉയര്‍ന്നുവരുന്ന സാഹചര്യത്തിലാണ് പുതിയ നടപടി. പരമാവധി അഞ്ച് സ്റ്റേഷനുകളുടെ ചുമതല ഒരു ഡിവൈഎസ്പിക്കു നല്‍കുക ലക്ഷ്യമിട്ടാണ് സബ്ഡിവിഷനുകളുടെ എണ്ണം വര്‍ധിപ്പിക്കുന്നത്.
നിലവില്‍ 58 സബ്ഡിവിഷനുകളാണുള്ളത്. പുതിയ 65 സബ്ഡിവിഷന്‍ കൂടി വരുന്നതോടെ സബ്ഡിവിഷനുകളുടെ എണ്ണം 123 ആകും. ഇപ്പോള്‍ മിക്ക സബ്ഡിവിഷനുകളിലും പത്തിലേറെ സ്റ്റേഷനുകളുണ്ട്. ഇവ നേരിട്ടു നിയന്ത്രിക്കുന്നതിനു പരിമിതിയുള്ളതിനാലാണ് സബ്ഡിവിഷനുകള്‍ വിഭജിച്ച്‌ പുതിയവ രൂപീകരിക്കുന്നത്.
