പനാജി: പെണ്കുട്ടികളും മദ്യപാനം തുടങ്ങിയത് തന്നെ ഭയപ്പെടുത്തുന്നുവെന്ന് ഗോവ മുഖ്യമന്ത്രി മനോഹര് പരീകര്. ഗോവയില് പൊതുസ്ഥലങ്ങളിലെ മദ്യപാനത്തിന് നിയന്ത്രണങ്ങള് കൊണ്ടുവരാനുള്ള നീക്കങ്ങളുമായി മുന്നോട്ട് പോകുന്നതിനിടെയാണ് പ്രസ്താവനയുമായി പരീക്കര് രംഗത്തെത്തിയിരിക്കുന്നത്.
താന് മുഴുവന് പെണ്കുട്ടികളെയും ഉദ്ദേശിച്ചല്ല പറയുന്നത്. ഇവിടെ എത്തിയവര് മദ്യപിക്കുന്നവരാണെന്നും താന് അഭിപ്രായപ്പെടുന്നില്ലെന്ന് സംസ്ഥാന യൂത്ത് പാര്ലമെന്റിനെ അഭിസംബോധന ചെയ്ത് പരീകര് പറഞ്ഞു. നേരത്തെ ഗോവയില് മയക്കുമരുന്ന് വ്യാപാരം നിയന്ത്രിക്കാന് കഴിഞ്ഞുവെന്ന് പരീകര് അഭിപ്രായപ്പെട്ടിരുന്നു.
മയക്കുമരുന്ന് കച്ചവടം പൂര്ണ്ണമായും ഇല്ലാതാക്കിയെന്ന് താന് അവകാശപ്പെടുന്നില്ല. പക്ഷേ അത് കുറച്ച് കൊണ്ടുവരാന് സാധിച്ചിട്ടുണ്ട്. കോളജുകളില് മയക്കുമരുന്ന് ഉപയോഗം വന്തോതില് വ്യാപിച്ചിട്ടുണ്ടെന്ന് താന് വിശ്വസിക്കുന്നില്ലെന്നും പരീക്കര് പറഞ്ഞു.
മയക്കുമരുന്ന് കണ്ടെത്താന് പൊലീസിന് കര്ശന നിര്ദേശം നല്കിയിട്ടുണ്ട്. ഇതിെന്റ ഭാഗമായി 170 പേരെ പൊലീസ് അറസ്റ്റ് ചെയ്തിട്ടുണ്ടെന്നും അദ്ദേഹം വ്യക്തമാക്കി.