പെണ്കുഞ്ഞുങ്ങളെ ചേലാകര്മത്തിന് വിധേയമാക്കുന്നുവെന്ന വാര്ത്ത നടുക്കുന്നതാണെന്ന് ആരോഗ്യമന്ത്രി കെ.കെ. ശൈലജ. അതിക്രൂരവും പ്രാകൃതവുമായ നടപടി കേരളത്തിലുമുണ്ടെന്ന കാര്യം തെളിവുകളോടെ ഇപ്പോഴാണ് പുറത്തുവന്നതെന്നും ഒരു പരിഷ്കൃതസമൂഹത്തിനും അംഗീകരിക്കാനാവാത്തതാണിതെന്നും മന്ത്രി പറഞ്ഞു.
ആരോഗ്യപരമായ പ്രശ്നങ്ങളാല് മാത്രമല്ല, സ്ത്രീത്വത്തോടുള്ള കടന്നാക്രമണം എന്ന നിലയിലും ഇതിനെ ശക്തമായി എതിര്ക്കണം. അറിവുള്ളവര് ആരും ഇത് അംഗീകരിക്കില്ല. അതുകൊണ്ടുതന്നെ വാര്ത്ത് നടുക്കുന്നതാണെന്നും ഇതിനെതിരെ ശക്തമായ നടപടികള് സ്വീകരിക്കുമെന്നും മന്ത്രി പറഞ്ഞു.
