കണ്ണൂര്: പാലത്തായി പീഡനകേസിലെ പ്രതി പദ്മരാജന്റെ ജാമ്യം റദ്ദാക്കണം എന്നാവശ്യപ്പെട്ട് ഇരയുടെ അമ്മ നല്കിയ ഹര്ജിയില് ഹൈക്കോടതി ഇന്ന് വിധി പറയും. ഇരയെ കേള്ക്കാതെ പ്രതിക്ക് ജാമ്യം അനുവദിച്ച തലശേരി പോക്സോ കോടതി നടപടി നിയമ വിരുദ്ധമാണെന്ന് ഹര്ജിയില് പറയുന്നു.
ഉന്നത സ്വാധീനമുള്ള പ്രതി പുറത്തിറങ്ങിയത് കേസിലെ സാക്ഷികളെ സ്വാധീനിക്കാന് കാരണമാകുമെന്നും ഈ സാഹചര്യത്തില് പ്രതിയുടെ ജാമ്യം റദ്ദ് ചെയ്ത് വിചാരണ തുടങ്ങാനാവശ്യമായ നടപടി സ്വകരിക്കണമെന്നും ഹര്ജിയില് ആവശ്യപ്പെടുന്നുണ്ട്. അതേസമയം, കേസില് പ്രതി പത്മരാജന് അനുകൂലമായ റിപ്പോര്ട്ടാണ് കോടതിയില് ക്രൈംബ്രാഞ്ച് സമര്പ്പിച്ചത്. പീഡനത്തിന് ഇരയായ കുട്ടിക്ക് കള്ളം പറയുന്ന സ്വഭാവം ഉണ്ട്. ഭാവനയില് നിന്ന് കാര്യങ്ങള് ഉണ്ടാക്കി അവതരിപ്പിക്കുന്ന ശീലവും ഉണ്ടെന്നുമായിരുന്നു ക്രൈം ബ്രാഞ്ച് കോടതിയെ അറിയിച്ചത്.