ന്യൂഡല്‍ഹി: ബിജെപി ആരോപിക്കുന്നതുപോലെ തനിക്ക് നക്സല്‍ ബന്ധമുണ്ടെങ്കില്‍ അറസ്റ്റു ചെയ്യുവെന്ന് മുതിര്‍ന്ന കോണ്‍ഗ്രസ് നേതാവ് ദിഗ്‌വിജയ് സിംഗ്. താന്‍ കുറ്റക്കാരന്‍ അണെങ്കില്‍ തന്നെ അറസ്റ്റു ചെയ്യാന്‍ കേന്ദ്ര-സംസ്ഥാന സര്‍ക്കാരുകളെ വെല്ലുവിളിക്കുകയാണെന്നും അദ്ദേഹം പറഞ്ഞു.
ആദ്യം അവര്‍ എന്നെ ദേശവിരുദ്ധനാക്കി. ഇപ്പോള്‍ നക്സലൈറ്റും. എങ്കില്‍ എന്നെ ഉടന്‍ അറസ്റ്റു ചെയ്യുവെന്നും അദ്ദേഹം പറഞ്ഞു.
അടുത്തിടെ രാജ്യത്തുണ്ടായ ആക്ടിവിസ്റ്റുകളുടെ അറസ്റ്റ് ഗുജറാത്ത് മോഡല്‍ ഭരണത്തിന്‍റെ ഉദാഹരണമാണെന്ന് ദിഗ്‌വിജയ് സിംഗ് ആരോപിച്ചിരുന്നു. ആക്ടിവിസ്റ്റുകള്‍ക്ക് പ്രധാനമന്ത്രി നരേന്ദ്ര മോദിയെ വധിക്കാന്‍ ഉദ്ദേശ്യമുണ്ടായിരുന്നെന്നാണ് ആരോപണം. ഇത് വ്യാജ ഏറ്റുമുട്ടല്‍ നടന്ന ഗുജറാത്ത് മോഡല്‍ തന്നെയാണെന്നും ദിഗ്‌വിജയ് സിംഗ് പറഞ്ഞിരുന്നു.
