നോയിഡ: ആരോഗ്യസേതു ആപ്പ് പൊതുജനങ്ങള്‍ ഫോണില്‍ നിര്‍ബന്ധമായും ഇന്‍സ്റ്റാള്‍ ചെയ്യണമെന്ന നിര്‍ദേശവുമായി നോയിഡ പോലീസ്. കോവിഡ് ട്രാക്കര്‍ ആപ്ലിക്കേഷനായ ആരോഗ്യസേതു ഫോണില്‍ ഇല്ലെങ്കില്‍ ലോക്ക്ഡൗണ്‍ നിയമങ്ങള്‍ ലംഘിച്ചതിന് കേസെടുക്കുമെന്ന് പോലീസ് അറിയിച്ചു.
തെരുവുകളില്‍ ഇറങ്ങി നടക്കുന്നവരുടെ ഫോണില്‍ ഈ ആപ്ലിക്കേഷനുണ്ടോ എന്ന് പോലീസ് പരിശോധന ആരംഭിച്ചിട്ടുണ്ട്. എന്നാല്‍ സ്മാര്‍ട്ട്‌ഫോണ്‍ ഇല്ലാത്തവരെയോ ഫോണ്‍ കൈവശമില്ലാത്തവരെയോ എന്ത് ചെയ്യുമെന്ന് വ്യക്തമാക്കിയിട്ടില്ല. തെരുവില്‍ ഇറങ്ങുന്ന എല്ലാവരെയും പരിശോധിക്കുക എന്നത് പ്രായോഗികമല്ലെന്നും എന്നാല്‍ അതിര്‍ത്തികളില്‍ പരിശോധന നടത്തുന്നത് കര്‍ശനമാക്കാനാണ് ഉദേശിക്കുന്നതെന്ന് എസിപി അഖിലേഷ് സിംഗ് അറിയിച്ചു
