മുംബൈ: രാജ്യത്ത് നിരോധിച്ച പഴയ അഞ്ഞൂറിന്റെയും ആയിരത്തിന്റെയും നോട്ടുകള് കൈവശം വച്ച മൂന്ന് പേരെ പൊലീസ് പിടികൂടി. മഹാരാഷ്ട്രയിലെ ഔറംഗബാദ് ഏരിയയിലെ ഒസ്മാന്പുരയില് നിന്നും ഒരു കോടി രൂപയുടെ നിരോധിച്ച നോട്ടുകളുമായാണ് ഇവര് പിടിയിലായത്. പൊലീസ് ചെക്പോസ്റ്റില് വച്ച് പരിശോധന നടത്തിയപ്പോഴാണ് മൂന്ന് പേരും പിടിയിലായത്. ഇവരുടെ പക്കലുണ്ടായിരുന്നത് പഴയ അഞ്ഞൂറിന്റെയും ആയിരത്തിന്റെയും നോട്ടുകളാണെന്ന് ഡപ്യൂട്ടി പൊലീസ് കമ്മിഷണര് രാഹുല് ഖദെ പറഞ്ഞു.
പ്രതികളെ ചോദ്യം ചെയ്ത് വരികയാണ്. ഇവര്ക്കെതിരെ കേസ് രജിസ്റ്റര് ചെയ്തിട്ടുണ്ടെന്നും അന്വേഷണം നടത്തിവരികയാണെന്നും ഡിസിപി വ്യക്തമാക്കി.
