പാക്കിസ്ഥാനിലെ തെരഞ്ഞെടുപ്പ് ഫലം അംഗീകരിക്കില്ലെന്ന് പാക്കിസ്ഥാന് മുസ്ലിം ലീഗ്-നവാസ് (പിഎംഎല്-എന്) നേതാവ് ഷഹ്ബാസ് ഷരീഫ്. തെരഞ്ഞെടുപ്പ് ഫലം പൂര്ണമായും തള്ളിക്കളയുന്നു. വോട്ടെടുപ്പില് വ്യാപകമായ കൃത്രിമം നടന്നുവെന്നും അദ്ദേഹം ആരോപിച്ചു. വ്യാഴാഴ്ച പുലര്ച്ചെ അഞ്ചിന് വാര്ത്താസമ്മേളനം വിളിച്ചാണ് ഷഹ്ബാസ് ഇക്കാര്യം വ്യക്തമാക്കിയത്.
പാക്കിസ്ഥാനില് ഇപ്പോള് നടക്കുന്നത് സെലക്ഷനാണെന്നും പിഎംഎല്-എന് ഏജന്റുമാരെ വോട്ടെണ്ണല് കേന്ദ്രങ്ങളില്നിന്നു പുറത്താക്കിയത് ഇതുകൊണ്ടാണെന്നും അദ്ദേഹം ആരോപിച്ചു. തെരഞ്ഞെടുപ്പ് ഫലത്തിനെതിരെ ജനങ്ങളോട് തെരുവിലിറങ്ങാനും ഷഹ്ബാസ് ആഹ്വാനം ചെയ്തു.
നിലവിലെ റിപ്പോര്ട്ടുകള് അനുസരിച്ച് ഇമ്രാന് ഖാന്റെ പാക്കിസ്ഥാന് തെഹ്റിക് ഇ ഇന്സാഫ് (പിടിഐ) 113 സീറ്റുകളിലാണ് ലീഡ് ചെയ്യുന്നത്. പിഎംഎല്-എന് 66 സീറ്റുകളിലും ലീഡു ചെയ്യുന്നുണ്ട്.
മുന് പ്രസിഡന്റ് ആസിഫ് അലി സര്ദാരിയും മകന് ബിലാവല് ഭൂട്ടോയും നേതൃത്വം നല്കുന്ന പാക്കിസ്ഥാന് പീപ്പിള്സ് പാര്ട്ടി(പിപിപി) 39 സീറ്റുകളിലും ലീഡ് ചെയ്യുന്നുണ്ട്. 54 സീറ്റുകളിലാണ് മറ്റുള്ളവര് ലീഡ് ചെയ്യുന്നത്.