തൃശൂര്‍: ജില്ലയില്‍ വെളളിയാഴ്ച 32 പേര്‍ക്ക് കൂടി കോവിഡ് സ്ഥിരീകരിച്ചപ്പോള്‍ അത്രയും പേര്‍ രോഗമുക്തരാകുകയും ചെയ്തു. രോഗം സ്ഥിരീകരിച്ചവരില്‍14 പേര്‍ക്ക് സമ്ബര്‍ക്കത്തിലൂടെയാണ് രോഗബാധ.
ബുധനാഴ്ച തൃശൂര്‍ ഗവ. മെഡിക്കല്‍ കോളജില്‍ മരണമടഞ്ഞ പുല്ലൂര്‍ തെക്കുംപറമ്ബില്‍ വീട്ടില്‍ ഷിജു (46) വിന് കോവിഡ് സ്ഥിരീകരിച്ചു. ന്യൂമോണിയ ബാധിച്ചാണ് ഷിജുവിനെ ആശുപത്രിയില്‍ പ്രവേശിപ്പിച്ചത്.
ജില്ലയില്‍ രോഗം ബാധിച്ചവരുടെ ആകെ എണ്ണം 742 ആയി. ഇതുവരെ 468 പേര്‍ രോഗമുക്തരായി.രോഗം സ്ഥിരീകരിച്ച 259 പേര്‍ ജില്ലയിലെ ആശുപത്രികളില്‍ ചികിത്സയില്‍ കഴിയുന്നുണ്ട്. തൃശൂര്‍ സ്വദേശികളായ 9 പേര്‍ മറ്റു ജില്ലകളില്‍ ചികിത്സയിലുണ്ട്.
