തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളം അദാനി ഗ്രൂപ്പിന് കൈമാറാനാകില്ലെന്ന് മുഖ്യമന്ത്രി പിണറായി വിജയന്‍. വിമാനത്താവളം സര്‍ക്കാരിന് അവകാശപ്പെട്ടതാണ്. ജൂണ്‍ 15ന് നടക്കുന്ന നീതി ആയോഗില്‍ പ്രധാനമന്ത്രിയോട് നേരിട്ട് ഇക്കാര്യം ഉന്നയിക്കുമെന്നും മുഖ്യമന്ത്രി പറഞ്ഞു.
തിരുവനന്തപുരം ഉള്‍പ്പെടെ രാജ്യത്തെ ആറു വിമാനത്താവളങ്ങളുടെ നടത്തിപ്പ് അദാനി ഗ്രൂപ്പിന് വിട്ടുകൊടുക്കുന്നതിനുള്ള കരാറിന് ജൂലൈയില്‍ കേന്ദ്രമന്ത്രിസഭ അംഗീകാരം നല്‍കാനിരിക്കെയാണ് മുഖ്യമന്ത്രിയുടെ വിശദീകരണം. തിരുവനന്തപുരം, അഹമ്മദാബാദ്, ലക്നോ, മംഗലാപുരം, ജയ്പുര്‍, ഗോഹട്ടി എന്നീ വിമാനത്താവളങ്ങളുടെ നടത്തിപ്പു ചുമതല അടുത്ത അന്പതു വര്‍ഷത്തേക്ക് അദാനി എന്‍റര്‍പ്രൈസസിനു ലഭിക്കുന്ന അവകാശമാണ് കൈമാറുന്നത്. ഇതിനെതിരെ കേരളം നേരത്തെയും രംഗത്തെത്തിയിരുന്നു.
