ബംഗളൂരു: രണ്ടാംഘട്ട തെരഞ്ഞെടുപ്പിന് മുന്പായി കര്ണാടകയില് ആദായ നികുതി വകുപ്പ് നടത്തിയ റെയ്ഡില് കണക്കില്പ്പെടാത്ത 2.3 കോടിരൂപ പിടികൂടി. ബംഗളൂരുവില്നിന്ന് ശിവമോഗയിലേക്ക് പോകുകയായിരുന്ന കാറിന്റെ ഉള്ളിലുണ്ടായിരുന്ന ടയറില് ഒളിപ്പിച്ച നിലയിലായിരുന്നു പണം കണ്ടെത്തിയത്. രണ്ടായിരം രൂപയുടെ നോട്ടുകെട്ടുകളാണ് പിടികൂടിയതെന്നും ആദായ നികുതി വകുപ്പ് ഉദ്യോഗസ്ഥര് അറിയിച്ചു. അതേസമയം, തെരഞ്ഞെടുപ്പുമായി ബന്ധപ്പെട്ട് വടക്കന് കര്ണാടകത്തില് റെയ്ഡുകള് തുടരുകയാണ്. നേരത്തേ, ആദ്യഘട്ട വോട്ടെടുപ്പ് നടക്കുന്നതിന് മുന്നോടിയായും കര്ണാടകയില് ആദായനികുതി വകുപ്പ് റെയ്ഡ് വ്യാപമാക്കിയിരുന്നു.
FLASHNEWS