അമല പോള്‍ നായികയാകുന്ന ആടൈയുടെ പുതിയ പോസ്റ്റര്‍ പുറത്തു വിട്ടു. രത്നകുമാറാണ് സിനിമ നിര്‍മിക്കുന്നത്. “ഞാന്‍ പോരാടും. അതിജീവിക്കും. തടസങ്ങള്‍ വരട്ടെ. അത് വലുതോ ചെറുതോ ആകട്ടെ. ഞാന്‍ വിശ്വസിക്കുന്നു അതെനിക്ക് സന്തോഷവും സ്വാതന്ത്രവും നല്‍കുന്നു. നിങ്ങള്‍ക്ക് ഇച്ഛാശക്തിയുണ്ടെങ്കില്‍ ആര്‍ക്കും നിങ്ങളെ തോല്‍പ്പിക്കാനാവില്ല. ഇത് ഞാനാണ് എന്‍റെ കഥയാണ്’. പോസ്റ്റര്‍ പങ്കുവച്ച്‌ അമല പോള്‍ ഇങ്ങനെ കുറിച്ചു. മുമ്ബ് വിജയ് സേതുപതി നായകനാകുന്ന സിനിമയില്‍ നിന്നും അമല പോളിനെ മാറ്റിയതായി റിപ്പോര്‍ട്ടുകളുണ്ടായിരുന്നു. ഇതില്‍ പ്രതിഷേധം രേഖപ്പെടുത്തി താരം രംഗത്തെത്തിയിരുന്നു. കാമിനി എന്ന കഥാപാത്രത്തെയാണ് ആടൈയില്‍ അമല പോള്‍ അവതരിപ്പിക്കുന്നത്. ചിത്രം ജൂലൈ 19ന് തീയറ്ററുകളിലെത്തും
