ബര്‍ലിന്‍: ബുണ്ടസ് ലീഗ് സീസണ്‍ ഈ മാസം തുടങ്ങാനിരിക്കെ ജര്‍മന്‍ ഫുട്ബോള്‍ ടീം ഒന്നാകെ നിരീക്ഷണത്തില്‍ പ്രവേശിച്ചു. ടീമിലെ രണ്ട് കളിക്കാര്‍ക്ക് നേരത്തെ കോവിഡ് സ്ഥിരീകരിച്ചിരുന്നു. ഇതേത്തുടര്‍ന്നാണ് കോച്ചിംഗ് സ്റ്റാഫ് ഉള്‍പ്പെടെ മുഴുവന്‍ പേരും നിരീക്ഷണത്തില്‍ പോകാന്‍ തീരുമാനിച്ചത്.
അടുത്ത 14 ദിവസത്തേക്ക് ടീമിലെ കളിക്കാരെ പരിശീലിപ്പിക്കാന്‍ പോലുമാകില്ലെന്ന് ടീം വൃത്തങ്ങള്‍ അറിയിച്ചു. കോവിഡ് വ്യാപനത്തേത്തുടര്‍ന്ന് മാര്‍ച്ച്‌ ആദ്യം മുതല്‍ രാജ്യത്തെ ഫുട്ബോള്‍ മത്സരങ്ങളും പരിശീലന പരിപാടികളുമെല്ലാം നിര്‍ത്തിവച്ചിരിക്കികയായിരുന്നു. ബുണ്ടസ് ലീഗിന്‍റെ ഒന്നും രണ്ടും ഡിവിഷന്‍ മത്സരങ്ങള്‍ ആകും നടക്കുകയെന്നായിരുന്നു കഴിഞ്ഞ ദിവസങ്ങളില്‍ പുറത്തുവന്ന വാര്‍ത്തകള്‍.
