ദില്ലി: ജാര്ഖണ്ഡ് ഹൈക്കോടതി ചീഫ് ജസ്റ്റിസ് അനിരുദ്ധ ബോസിനെയും ഗുവാഹത്തി ഹൈക്കോടതി ചീഫ് ജസ്റ്റിസ് എ എസ് ബൊപ്പണ്ണയെയും സുപ്രീംകോടതി ജഡ്ജിമാരായി നിയമിക്കണമെന്ന് വീണ്ടും ആവശ്യപ്പെട്ട് കൊളീജിയം.
സീനിയോറിറ്റിക്ക് അല്ല മികവിനാണ് മുന്തൂക്കം നല്കേണ്ടതെന്ന് നിലപാടിലുറച്ച് സുപ്രീംകോടതി വ്യക്തമാക്കി. ഇത് സംബന്ധിച്ച് കേന്ദ്രസര്ക്കാരിന് വീണ്ടും ഫയല് അയച്ചു. നേരത്തേ നിയമന ശുപാര്ശ പുനഃപരിശോധിക്കണമെന്ന് ആവശ്യപ്പെട്ട് കേന്ദ്രം ഫയല് മടക്കിയിരുന്നു.
സുപ്രീംകോടതി കൊളീജിയം രണ്ടാമതും ഫയല് അയക്കുന്ന സാഹചര്യങ്ങളില് നിയമനങ്ങള് അംഗീകരിക്കുകയാണ് കീഴ്വഴക്കം. കഴിഞ്ഞമാസം പന്ത്രണ്ടിനാണ് രണ്ടുപേര്ക്കും സ്ഥാനക്കയറ്റം നല്കാന് കൊളീജിയം തീരുമാനിച്ചത്.
