കോണ്ഗ്രസിനെ ജയിപ്പിച്ചാല് 10 ദിവസത്തിനകം ഗുജറാത്തിലെ കര്ഷകരുടെ കടം എഴുതിത്തള്ളുമെന്ന് ഉപാധ്യക്ഷന് രാഹുല് ഗാന്ധി. അമ്രേലി ജില്ലയിലെ തെരഞ്ഞെടുപ്പ് പ്രചാരണ യോഗത്തില് സംസാരിക്കുകയായിരുന്നു രാഹുല് ഗാന്ധി. പാട്ടീദാര് സമുദായക്കാര്ക്ക് ഭൂരിപക്ഷമുള്ള പ്രദേശമാണ് അമ്രേലി ജില്ല. 22 വര്ഷത്തെ ബി.ജെ.പി ഭരണത്തില് കര്ഷകര്ക്ക് ഒന്നും കിട്ടിയില്ല. കര്ഷകര്ക്ക് ഭൂമി നഷ്ടപ്പെട്ടു. കൃഷി ആവശ്യത്തിനുള്ള വെള്ളം വ്യവസായികള്ക്കായി വഴിമാറ്റിവിട്ടുഎന്നും രാഹുല് ഗാന്ധി ആരോപിച്ചു.
മുഖ്യമന്ത്രി വിജയ് റൂപാണിയെ ‘റബര് സ്റ്റാമ്ബ്’ എന്ന് വിശേഷിപ്പിച്ച് രാഹുല് ഗാന്ധി. സംസ്ഥാനത്ത് ബി.ജെ.പി പ്രസിഡന്റ് അമിത് ഷായുടെ റിമോട്ട് കണ്ട്രോള് ഭരണമാണെന്ന് പരിഹസിച്ചു. പ്രധാനമന്ത്രി നരേന്ദ്ര മോദി വ്യവസായി സുഹൃത്തുക്കളുടെ 1.25 ലക്ഷം കോടി രൂപയുടെ വായ്പയാണ് എഴുതിത്തള്ളിയത്. സാധാരണ കര്ഷകര് തങ്ങളുടെ കടം എഴുതിതള്ളുന്നത് തങ്ങളുടെ നയമല്ലെന്നാണ് മോദിയുടെയും ധനമന്ത്രി അരുണ് ജെയ്റ്റ്ലിയുടെയും പ്രതികരണം എന്നും രാഹുല്ഗാന്ധി ആരോപിച്ചു.