ബകു: വിദേശ ഇന്ത്യക്കാര് രാജ്യത്തിെന്റ പുരോഗതിയിലും ബഹുസ്വരതയിലും നിര്ണായക പങ്കുവഹിക്കുന്നവരാണെന്ന് ഉപരാഷ്ട്രപതി എം. വെങ്കയ്യനായിഡു. ഇന്ത്യയെ മുന്നോട്ടുനയിക്കുന്ന പ്രധാനഘടകങ്ങളില് ഒന്നാണ് വിദേശ ഇന്ത്യക്കാര് എന്നും അസര്ബൈജാനിലെ ഇന്ത്യന് പ്രവാസി സമൂഹത്തെ അഭിസംബോധന ചെയ്ത് അദ്ദേഹം പറഞ്ഞു. വെള്ളിയാഴ്ച അസര്ബൈജാനില് തുടങ്ങുന്ന 18ാമത് ചേരിചേരാ ഉച്ചകോടിയില് സംബന്ധിക്കാനെത്തിയതായിരുന്നു ഉപരാഷ്ട്രപതി.
ഇന്ത്യയും അസര്ബൈജാനും തമ്മിലുള്ള ബന്ധം ചരിത്രപരമായും സാംസ്കാരികമായും ഏറെ ആഴത്തിലുള്ളതാണെന്നു പറഞ്ഞ ഉപരാഷ്ട്രപതി ഇരുരാജ്യങ്ങളും തമ്മിലെ ബന്ധം കൂടുതല് ഊഷ്മളമാക്കണമെന്ന് കൂട്ടിച്ചേര്ത്തു. വിവിധ മേഖലകളില് ഇരുരാജ്യങ്ങളും തമ്മിലുള്ള സഹകരണം മെച്ചപ്പെടുത്തണമെന്നും അദ്ദേഹം പറഞ്ഞു.
നേരത്തേ ബകുവിലെ വിമാനത്താവളത്തില് ഉപപ്രധാനമന്ത്രി അലി അഹ്മദോവ് ഉപരാഷ്ട്രപതിയെയും സംഘത്തേയും സ്വീകരിച്ചു.