വാഹനാപകടത്തില് ഗുരുതരമായി പരിക്കേറ്റ തിരുനെല്വേലി സ്വദേശി മുരുകന്റെ ചികിത്സ കിട്ടാതെയുള്ള മരണത്തില് പ്രതികരണവുമായി മുഖ്യമന്ത്രി പിണറായി വിജയന്.
മുരുകന്റെ മരണം വേദനജനകമാണെന്നു പറഞ്ഞ മുഖ്യമന്ത്രി സംഭവത്തെ കുറിച്ച് പ്രാഥമിക അന്വേഷണം നടത്താന് ഹെല്ത്ത് ഡയറക്ടറോട് നിര്ദേശം നല്കിയതായും തന്റെ ഫേസ് ബുക്ക് പോസ്റ്റിലൂടെ അറിയിച്ചു.
മുഖ്യമന്ത്രിയുടെ ഫെയ്സ്ബുക്ക് പോസ്റ്റിലേക്ക്
വാഹനാപകടത്തില് ഗുരുതരമായി പരിക്കേറ്റ തിരുനല്വേലി സ്വദേശി മുരുകനെ ആറ് ആശുപത്രികള് ചികിത്സ നല്കാതെ തിരിച്ചയച്ചുവെന്നും തക്ക സമയത്ത് ചികിത്സ ലഭിക്കാതെ ആ യുവാവ് മരിച്ചുവെന്നുമുളള റിപ്പോര്ട്ടുകള് അത്യന്തം വേദനാജനകമാണ്. ഇതേക്കുറിച്ച് പ്രാഥമിക അന്വേഷണം നടത്താന് ഹെല്ത്ത് സര്വീസസ് ഡയറക്ടറോട് നിര്ദേശിച്ചിട്ടുണ്ട്.
റിപ്പോര്ട്ട് ലഭിച്ചശേഷം ഭാവിയില് ഇത്തരം അനുഭവങ്ങള് ആവര്ത്തിക്കാതിരിക്കാനുളള സംവിധാനവും ക്രമീകരണവും സര്ക്കാര് ഉണ്ടാക്കും. ചികിത്സ നല്കാതെ രോഗിയെ തിരിച്ചയ്ക്കുന്നതു നിയമവിരുദ്ധമായതുകൊണ്ട് ബന്ധപ്പെട്ട ആശുപത്രികള്ക്കെതിരെ ഇതിനകം തന്നെ കേസ് എടുത്തിട്ടുമുണ്ട്.
