തിരുവനന്തപുരം: ആലപ്പാട്ടെ കരിമണല് ഖനനവുമായി ബന്ധപ്പെട്ട് ജനങ്ങളുടെയും സര്ക്കാരിന്റെയും തൊഴിലാളികളുടെയും താത്പര്യം സംരക്ഷിക്കുമെന്ന് വ്യവസായ മന്ത്രി ഇ.പി. ജയരാജന്. പ്രതിസന്ധികള് ഉണ്ടായാല് പരിഹരിക്കും. മുഖ്യമന്ത്രി വിളിച്ച യോഗത്തില് വിഷയം വിശദമായി ചര്ച്ച ചെയ്തിരുന്നുവെന്നും അദ്ദേഹം പറഞ്ഞു.
ആലപ്പാട്ടെ സമരക്കാരെ ചര്ച്ചയ്ക്കായി ക്ഷണിച്ചുവെന്നും അദ്ദേഹം പറഞ്ഞു. പ്രത്യേക ദൂതന് മുഖേനെയാണ് സമരസമിതിയെ ചര്ച്ചയ്ക്കു ക്ഷണിച്ചിരിക്കുന്നത്. ചര്ച്ചയിലൂടെ പ്രശ്നങ്ങള് പരിഹരിക്കുമെന്നും അദ്ദേഹം പറഞ്ഞു. വി.എസ്. അച്യുതാനന്ദനെ വിവാദത്തിലേക്ക് വലിച്ചിഴയ്ക്കരുതെന്നും ജയരാജന് കൂട്ടിച്ചേര്ത്തു.