ന്യൂഡല്ഹി: തീവ്രലക്ഷണങ്ങളുള്ളവരും മിതമായ ലക്ഷണങ്ങളുള്ളവരുമായ കോവിഡ് രോഗികളുടെ ചികിത്സയ്ക്ക് മിഥൈല്പ്രെഡ്നിസൊളോണ് എന്ന മരുന്നിനു പകരം ഡെക്സമെത്തസോണ് ഉപയോഗിക്കാന് കേന്ദ്രം അനുമതി നല്കി. വിലക്കുറവുള്ള സ്റ്റിറോയ്ഡ് മരുന്നാണ് ഡെക്സമെത്തസോണ്.
ബ്രിട്ടനില് നടത്തിയ പരീക്ഷണങ്ങളില് ഗുരുതരാവസ്ഥയിലുള്ള കോവിഡ് രോഗികളുടെ ജീവന് രക്ഷിക്കാന് ഡെക്സമെത്തസോണ് സഹായിക്കുമെന്ന് കണ്ടെത്തിയിരുന്നു. ഇതിനു പിന്നാലെ ഡെക്സമെത്തസോണ് ഉത്പാദനം വര്ധിപ്പിക്കണമെന്ന ആഹ്വാനം ലോകാരോഗ്യസംഘടന നടത്തുകയും ചെയ്തിട്ടുണ്ട്.
