മംഗളൂരു: ദിവസങ്ങളായി ട്രെയിന് ഗതാഗതം തടസപ്പെട്ട കൊങ്കണ് റെയില്വേ പാതയില് ട്രയല് റണ് നടത്തി. പുതിയ റെയില് പാത നിര്മിച്ച കുലശേഖരയിലാണ് ട്രയല് റണ് നടത്തിയത്. ഗുഡ്സ് ട്രെയിന് ഉപയോഗിച്ചാണ് ട്രയല് റണ്. പരിശോധന പൂര്ത്തിയായശേഷമായിരിക്കും പാത തുറക്കുന്ന കാര്യത്തില് തീരുമാനമെടുക്കുകയെന്ന് റെയില്വേ അറിയിച്ചു.
കഴിഞ്ഞ ദിവസം രാത്രിയില് വീണ്ടും മഴ പെയ്തതാണ് ട്രയല് റണ് നടക്കുന്നത് വൈകിച്ചത്. ഇക്കഴിഞ്ഞ ആഗസ്റ്റ് 23ന് പുലര്ച്ചെയാണ് കൊങ്കണ് റൂട്ടില് മംഗളുരു നഗരത്തിനു സമീപം പടീല്- കുലശേഖര റെയില്വേ സ്റ്റേഷനുകള്ക്കിടയില് പാളത്തിലേക്ക് മണ്ണിടിഞ്ഞു വീണത്. ഇതോടെ ഇതുവഴിയുള്ള തീവണ്ടി സര്വീസ് താളം തെറ്റിയിരുന്നു.
