കൊച്ചി: പ്രളയം മൂലം അടച്ച കൊച്ചി രാജ്യാന്തര വിമാനത്താവളം 29നു തുറക്കുമെന്ന് എയര്പോര്ട്ട് അധികൃതര് അറിയിച്ചു. 26നു തുറക്കുമെന്നാണു നേരത്തേ അറിയിച്ചിരുന്നത്. എന്നാല് ഇന്നലെ നടത്തിയ അവലോകന യോഗത്തില് ജീവനക്കാരില് 90 ശതമാനം പേരെയും വെള്ളപ്പൊക്കം ബാധിച്ചതിനാല് പ്രവര്ത്തനങ്ങള് പൂര്ണതോതില് ഏകോപിപ്പിക്കാനുള്ള ബുദ്ധിമുട്ട് വിമാനക്കമ്ബനികളും ഗ്രൗണ്ട് ഹാന്ഡ്ലിങ് ഏജന്സികളും അറിയിച്ചു. പരിസരത്തെ ഹോട്ടലുകളും മറ്റു കടകളും ഇപ്പോഴും അടഞ്ഞുകിടക്കുകയാണ്. കേറ്ററിങ് കമ്ബനികള്ക്കു ഭക്ഷ്യവിഭവങ്ങള് എത്തിക്കുന്നതിനുള്ള ബുദ്ധിമുട്ടുകളും കണക്കിലെടുത്താണു പ്രവര്ത്തനം പുനരാരംഭിക്കുന്നതു.
