ശ്രീനഗര്: ജമ്മു കാഷ്മീരിലെ സോപൂരിലുണ്ടായ ഭീകരാക്രമണത്തില് സൈനികന് വീരമൃത്യു. വെള്ളിയാഴ്ച രാവിലെയാണ് സോപൂരിലെ പസല്പുര വില്ലേജില് ഏറ്റുമുട്ടലുണ്ടായത്. സൈന്യത്തിന്റെ പ്രത്യാക്രമണത്തില് രണ്ട് ഭീകരരും കൊല്ലപ്പെട്ടു.
സോപൂരില് ഭീകരര് ഒളിച്ചിരിക്കുന്നുവെന്ന് രഹസ്യ വിവരത്തെ തുടര്ന്നു തെരച്ചില് നടത്തിയപ്പോള് ഭീകരര് വെടിയുതിര്ക്കുകയായിരുന്നു. തുടര്ന്നു സൈന്യം ശക്തമായി തിരിച്ചടിച്ചു. ഏറ്റുമുട്ടല് ഇപ്പോഴും തുടരുകയാണ്.
കഴിഞ്ഞ 48 മണിക്കൂറിനിടെ കാഷ്മീരില് നടക്കുന്ന മൂന്നാമത്തെ ഏറ്റുമുട്ടലാണിത്. രണ്ട് ദിവസത്തിനിടെ പത്ത് ഭീകരരാണ് കാഷ്മീരില് കൊല്ലപ്പെട്ടത്. വ്യാഴാഴ്ച ആറ് ഭീകരര് കൊല്ലപ്പെട്ടിരുന്നു.
കാഷ്മീരില് അനന്ത്നാഗ്, ബാരാമുള്ള ജില്ലകളിലായി നടന്ന രണ്ട് ഏറ്റുമുട്ടലുകളില് ആറു ഭീകരര് കൊല്ലപ്പെട്ടത്. അനന്ത്നാഗിലെ അര്വാനി മേഖലയില് നടന്ന ഏറ്റുമുട്ടലില് നാലു ഭീകരരാണു കൊല്ലപ്പെട്ടത്. ബാരാമുള്ളയിലെ ക്രീരി മേഖലയില് കൊല്ലപ്പെട്ടത് രണ്ടു ലഷ്കര്-ഇ-തൊയ്ബ ഭീകരരാണ്.
