ബംഗളൂരു: കര്ണാടക നിയമസഭ വിധാന് സൗധയില് എം.എല്.എമാരുശട സത്യപ്രതിജ്ഞാ ചടങ്ങുകള്ക്ക് തുടക്കമായി. അംഗങ്ങള് വദേമാതരം ചൊല്ലി സഭാ നടപടികള് ആരംഭിച്ചു.സമാധാനപരമായി വിശ്വാസവോട്ട് നടത്താന് കര്ണാടക നിയമ സഭ വിധാന് സൗധയില് 200 ഒാളം സുരക്ഷാ ഉദ്യോഗസ്ഥരെ നിയോഗിച്ചിട്ടുണ്ട്. പ്രൊടെം സ്പീക്കര് കെ.ജി ബൊപ്പയ്യ സഭാധ്യക്ഷ സ്ഥാനത്തിരുന്ന് നടപടികള് നിയന്ത്രിച്ചു. സിദ്ധരാമയ്യ, രാമലിംഗ റെഡ്ഢി തുടങ്ങി കോണ്ഗ്രസ് എം.എല്.എമാരും ബി.ജെ.പി എം.എല്.എമാരും വിധാന് സൗധയില് ഹാജരായിട്ടുണ്ട്. നിയമസഭക്ക് മുന്നില് ശക്തമായ പൊലീസ് കാവലുണ്ട്. പാര്ട്ടി പ്രവര്ത്തകരെ നിയമസഭാ പരിസരത്തേക്ക് പോലും കടത്തിവിടാതിരിക്കാന് വേണ്ട എല്ലാ നടപടികളും പൊലീസ് സ്വീകരിക്കുന്നുണ്ട്.
ഇരുമുന്നണികളും തികഞ്ഞ ആത്മവിശ്വാസത്തിലാണ്. നിയമസഭയില് വിശ്വാസവോട്ട് നേടുമെന്നതില് നൂറു ശതമാനം ഉറപ്പെന്ന് മുഖ്യമന്ത്രി ബി.എസ് യെദിയൂരപ്പ പ്രതികരിച്ചു. നാലുമണിക്ക് ശേഷം ആഘോഷിക്കാന് തയാറെടുക്കാന് പ്രവര്ത്തകരോട് അദ്ദേഹം ആവശ്യപ്പെട്ടു.
അതേസമയം, കേന്ദ്ര സര്ക്കാര് തടവിലാക്കിയിരിക്കുകയാണെന്ന് കോണ്ഗ്രസ് ആരോപിച്ച എം.എല്.എ ആനന്ദ് സിങ് വൈകീട്ട് നാലിന് വിശ്വാസവോട്ടിന് പങ്കെടുക്കുമെന്ന് കോണ്ഗ്രസ് അറിയിച്ചു. അദ്ദേഹം ഇപ്പോള് തങ്ങളോടൊപ്പമില്ല. എന്നാല് നേതാക്കളുമായി അദ്ദേഹം ബന്ധപ്പെട്ടിട്ടുണ്ട്. നാലിന് വിശ്വാസവോട്ടില് കോണ്ഗ്രസ്-ജെ.ഡി.എസ് സഖ്യത്തിന് വോട്ടുചെയ്യുമെന്നും കോണ്ഗ്രസ് നേതാവ് രാഗലിംഗ റെഡ്ഢി പറഞ്ഞു. അതിനിടെ, രണ്ട് ജെ.ഡി.എസ് എം.എല്.എമാര് കൂറുമാറി ബി.ജെ.പിയില് ചേര്ന്നതായി എച്ച്.ഡി കുമാരസ്വാമി സ്ഥീരീകരിച്ചു.
അതേസമയം, പ്രൊ-ടെം സ്പീക്കര് നിയമനത്തിന് എതിരെ കോണ്ഗ്രസും ജെ.ഡി. എസും സുപ്രീം കോടതിയില് സമര്പ്പിച്ച ഹരജി ഇന്നു രാവിലെ 10.30ന് സുപ്രീംകോടതി പരിഗണിക്കും. ജഡ്ജിമാരായ എ.കെ.സിക്രി, എസ്.എ.ബോബ്ഡെ, അശോക് ഭൂഷണ് എന്നിവര് പ്രത്യേക െബഞ്ചാകും ഹര്ജി പരിഗണിക്കുക.