തലശേരി: കതിരൂര് കാപ്പുമ്മല് പാനുണ്ടയില് സിപിഎം-ബിജെപി സംഘര്ഷത്തിലും ബോംബേറിലും ഏഴ് പേര്ക്ക് പരിക്കേറ്റു. സംഭവസ്ഥലത്തു നിന്നും പൊട്ടാത്ത ഒരു ബോംബും ഉപേക്ഷിക്കപ്പെട്ട നിലയില് രണ്ട് ബൈക്കുകളും കണ്ടെടുത്തു.
ബോംബേറില് പരിക്കേറ്റ സിപിഎം പ്രവര്ത്തകരായ പാനുണ്ട കൈലാസത്തില് ശ്രീദേവ് (29) വി.കെ.ഹൗസില് ഷമില് ബാബു (21) നിലാമ്ബല്ലി വീട്ടില് ശ്യാംജിത്ത് (23) കണ്ടുകുളം വീട്ടില് രജിനേഷ് (25) എന്നിവരെ തലശേരി സഹകരണ ആശുപത്രിയിലും മര്ദനമേറ്റ് സാരമായ പരിക്കുകളോടെ ബിജെപി പ്രവര്ത്തകരായ എരുവട്ടി കാരയില്കണ്ടി വീട്ടില് പ്രശാന്ത് (42), ശങ്കരനെല്ലൂര് വലിയപറമ്ബത്ത് മഞ്ജുനാഥ് (18), പാച്ച പൊയ്ക സുപ്രിയ നിവാസില് ആദര്ശ് (20) എന്നിവരെ ഇന്ദിരാഗാന്ധി സഹകരണ ആശുപത്രിയിലും പ്രവേശിപ്പിച്ചു.
ഓഫീസിനു സമീപം ഇരിക്കുകയായിരുന്ന പ്രവര്ത്തകര്ക്കു നേരെ അഞ്ച് ബൈക്കുകളിലെത്തിയ ബിജെപി-ആര്എസ്എസ് സംഘം ബോംബെറിയുകയായിരുന്നുവെന്ന് സിപിഎം ആരോപിച്ചു. പാനുണ്ട സ്കൂളിനു സമീപം ബൈക്കില് പോകുകയായിരുന്ന പ്രവര്ത്തകരെ പത്തോളം വരുന്ന സിപിഎം സംഘം വാഹനം തടഞ്ഞുനിര്ത്തി അക്രമിക്കുകയായിരുന്നുവെന്ന് ബിജെപി നേതൃത്വവും ആരോപിച്ചു.
സംഘര്ഷത്തെ തുടര്ന്ന് എഎസ്പി ചൈത്ര തെരേസ ജോണ്, കതിരുര് പ്രിന്സിപ്പല് എസ്ഐ ഷാജു എന്നിവരുടെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം നടത്തി. പ്രദേശത്ത് പോലീസ് പട്രോളിംഗ് ശക്തമാക്കിയിട്ടുണ്ട്.