പാലക്കാട്: പാലക്കാട് കഞ്ചിക്കോട്ടെ പെപ്സിയുടെ ഉത്പാദനകേന്ദ്രം അടച്ചു പൂട്ടുന്നു. സ്ഥാപനം അടച്ചു പൂട്ടുന്നതായി കാണിച്ച് പെപ്സി പ്ലാന്റ് നിലവില് നടത്തുന്ന വരുണ് ബിവറേജസ് സംസ്ഥാന സര്ക്കാരിന് നോട്ടീസ് നല്കി.
സ്ഥാപനം അടച്ചു പൂട്ടുന്നതോടെ സ്ഥിരം ജീവനക്കാര് ഉള്പ്പെടെ നാന്നൂറോളം പേര്ക്ക് തൊഴില് നഷ്ടമാവും. തൊഴില് നഷ്ടപ്പെടുന്നവര്ക്ക് അടുത്ത മൂന്ന് മാസത്തിനകം നഷ്ടപരിഹാരം നല്കുമെന്ന് കമ്ബനി സര്ക്കാരിനെ അറിയിച്ചു.
സേവന വേതന കരാര് പുതുക്കണമെന്നാവശ്യപ്പെട്ട് തൊഴിലാളി സമരം തുടരുന്നതിനിടെയാണ് കഞ്ചിക്കോട്ടെ പെപ്സി ഉത്പാദനകേന്ദ്രം അടച്ചുപൂട്ടുന്നത്. പെപ്സിയുടെ ഉല്പാദനം ഏറ്റെടുത്ത വരുണ് ബിവറേജസ് കമ്ബനി അടച്ചുപൂട്ടല് നോട്ടീസ് നേരത്തെ പുറപ്പെടുവിച്ചിരുന്നു. 14 ദിവസത്തിനകം തൊഴിലാളികള് സമരം അവസാനിപ്പിച്ചില്ലെങ്കില് കമ്ബനി പൂട്ടുമെന്ന് മാര്ച്ചില് വരുണ് ബിവറേജസ് മുന്നറിയിപ്പ് നല്കിയിരുന്നു.
