തിരുവനന്തപുരം: ലോക്ക്ഡൗണ് പശ്ചാത്തലത്തില് പൊതുവിദ്യാലയങ്ങളിലെ വിദ്യാര്ഥികള്ക്കായി സംസ്ഥാന സര്ക്കാര് ആരംഭിച്ച ഓണ്ലൈന് ക്ലാസുകള്ക്ക് ഐഎസ്ആര്ഒയുടെ അഭിനന്ദനം. കോവിഡിനെതിരെ കേരളം നടത്തിയ അനിതരസാധാരണ ചുവടുവയ്പുകളില് ഏറെ പ്രധാനപ്പെട്ടതാണ് ഓണ്ലൈന് ക്ലാസുകളെന്നും എഡ്യൂസാറ്റ് ഉപഗ്രഹത്തെ പ്രയോജനപ്പെടുത്തി കേരളം നടത്തിയ ചുവടുവയ്പ്പില് പങ്കാളിയാകാന് സാധിച്ചതില് ഏറെ സന്തോഷമുണ്ടെന്നും ഐഎസ്ആര്ഒ ചെയര്മാന് കെ. ശിവന് അഭിപ്രായപ്പെട്ടു.
ഓണ്ലൈന് അധ്യയനം കേരളത്തിന്റെ വിദ്യാഭ്യാസ മേഖലയില് വിപ്ലവം സൃഷ്ടിക്കുമെന്നും ഗുണമേന്മയുള്ള വിദ്യാഭ്യാസത്തിന്റെ ജനാധിപത്യപരമായ വിതരണമെന്ന നിലയില് എല്ലാ വിദ്യാര്ഥികള്ക്കും തുല്യാവസരത്തിന് ഇതു വഴിയൊരുക്കുമെന്നും വിക്രം സാരാഭായ് സ്പേസ് സെന്റര് (വിഎസ്എസ്സി) ഡയറക്ടര് എസ്. സോമനാഥ് പറഞ്ഞു.
ഇന്ഫര്മേഷന് പബ്ലിക് റിലേഷന്സ് വകുപ്പിന്റെ പ്രസിദ്ധീകരണമായ സമകാലിക ജനപഥം മാസികയുടെ ജൂണ് ലക്കത്തില് ഏഴുതിയ ലേഖനങ്ങളിലാണ് ഇരുവരുടെയും വിലയിരുത്തല്. ഐഎസ്ആര്ഒയുടെ എഡ്യൂസാറ്റ് ഉപഗ്രഹത്തിന്റെ ഉദ്ദേശ്യ ലക്ഷ്യങ്ങളെക്കുറിച്ചും കേരളം അതു വേണ്ടവിധം ഉപയോഗപ്പെടുത്തുന്നതിനെക്കുറിച്ചും കോവിഡാനന്തര കാലഘട്ടത്തിലെ സഹകരണസാധ്യതകളെ കുറിച്ചും ഇരുവരും വിശദീകരിക്കുന്നുണ്ട്.
കൈറ്റ് വിക്ടേഴ്സ് ചാനലും ഐഎസ്ആര്ഒയുമായി പരസ്പരപൂരിതമായ ബന്ധമാണുള്ളത്. ഏറെ താത്പര്യത്തോടെയാണു ചാനലിന്റെ പ്രവര്ത്തനങ്ങളെ ഐഎസ്ആര്ഒ പിന്തുടരുന്നത്. പൗരന്മാര്ക്കു പ്രയോജനപ്പെടുംവിധം ഐഎസ്ആര്ഒയുടെ വിഭവശേഷി കേരളം ഉപയോഗപ്പെടുത്തുമെന്ന് ഉറപ്പുണ്ടെന്നും ലേഖനത്തില് അദ്ദേഹം വ്യക്തമാക്കുന്നു.