കൊച്ചി: ശബരിമല സന്ദര്ശിക്കാനെത്തിയ തൃപ്തി ദേശായിക്കെതിരെ പ്രതിഷേധം ശക്തമാവുകയാണ്. എന്നാല് എന്ത് വന്നാലും ശബരിലയില് കയറിയിട്ടെ മടങ്ങുകയുള്ളുവെന്ന നിലപാടിലാണ് തൃപ്തി. പൊലീസുമായി സഹകരിക്കാന് തയ്യാറാണെന്നും പൊലീസ് നിര്ദേശിക്കുന്ന സ്ഥലത്ത് താമസിക്കാന് തയ്യാറാണെന്നും തൃപ്തി ദേശായ് അറിയിച്ചിട്ടുണ്ട്. അവരെ ഹോട്ടലിലേക്ക് മാറ്റാന് അനുവദിക്കണമെന്ന് പൊലീസ് ആവശ്യപ്പെട്ടുവെങ്കിലും അതനുവദിക്കില്ലെന്ന നിലപാടിലാണ് പ്രതിഷേധക്കാര്. തൃപ്തി ദേശായി ഉടന് തിരിച്ച് പോകണമെന്നും വിമാനത്താവളത്തിന് പുറത്തിറങ്ങരുതെന്നുമാണ് പ്രതിഷേധക്കാര് പറയുന്നത്.
