എഡിഎം നവീന് ബാബുവിന്റെ മരണവുമായി ബന്ധപ്പെട്ട കേസില് തെളിവുകള് സംരക്ഷിക്കണമെന്ന് ആവശ്യപ്പെട്ട് കുടുംബം നല്കിയ ഹര്ജിയില് വിധി ഇന്ന്.കണ്ണൂര് ഒന്നാം ക്ലാസ് മജിസ്ട്രേറ്റ് കോടതിയാണ് കേസില് വിധി പറയുന്നത്.
വെള്ളിയാഴ്ച കേസ് പരിഗണിച്ച കോടതി വിധി പറയാൻ ഇന്നത്തേക്ക് മാറ്റുകയായിരുന്നു. കേസിലെ പ്രതി മുന് ജില്ലാ പഞ്ചായത്ത് പ്രസിഡന്റ് പി.പി. ദിവ്യ, പെട്രോള് പമ്ബിന് അപേക്ഷ നല്കിയ ടി.വി. പ്രശാന്ത്, ജില്ലാ കളക്ടര് അരുണ് കെ. വിജയന് എന്നിവരുടെ ഫോണ് രേഖകളും ടവർ ലൊക്കേഷനുകളും സിസിടിവി ദൃശ്യങ്ങളുമടക്കം തെളിവുകള് സൂക്ഷിക്കണമെന്ന ഹര്ജിയിലാണ് കോടതി ഇന്ന് വിധി പറയുന്നത്.
