മുംബൈ: എച്ച്‌-1ബി വിസയില്‍ അടിസ്ഥാനപരമായ മാറ്റങ്ങളില്ലെന്ന് യു.എസ് നയതന്ത്രഉദ്യോഗസ്ഥന്‍. എച്ച്‌-1ബി വിസ അപേക്ഷിക്കുന്നതിനുള്ള നടപടിക്രമങ്ങളില്‍ മാറ്റം വരുത്തിയിട്ടില്ലെന്ന് മുംബൈയില്‍ യു.എസ് കൗണ്‍സില്‍ ജനറല്‍ എഡ്ഗാര്‍ഡ് ഡി കാഗന്‍ വ്യക്തമാക്കി.
എച്ച്‌-1ബി വിസയിലെ മാറ്റം ഇന്ത്യയില്‍ വലിയ സ്വാധീനം ചെലുത്തുമെന്നാണ് വലിയൊരു വിഭാഗത്തിെന്‍റയും വിശ്വാസം. ഇതുസംബന്ധിച്ച്‌ യു.എസ് സര്‍ക്കാറുമായി ഇന്ത്യ സര്‍ക്കാര്‍ ആശയവിനിമയം നടത്തിയിട്ടുണ്ട്. ഇത് ഇന്ത്യയെ ബാധിക്കുന്ന പ്രശ്നം മാത്രമല്ല. ഇതുമായി ഇന്ത്യ-യു.എസ് ബന്ധത്തെ കൂട്ടിയിണക്കേണ്ട കാര്യവുമില്ല. വലിയ വ്യാപ്തിയുള്ള പ്രശ്നമാണ് ഇതെന്നും കാഗന്‍ വ്യക്തമാക്കി.
വിദേശരാജ്യങ്ങളില്‍ നിന്നുള്ള തൊഴിലാളികള്‍ക്ക് യു.എസില്‍ ജോലി ചെയ്യുന്നതിനായി നല്‍കുന്ന വിസയാണ് എച്ച്‌-1ബി. അമേരിക്കക്കാര്‍ക്ക് മുന്‍ഗണന നല്‍കുന്നതിെന്‍റ ഭാഗമായി ട്രംപ് ഭരണകൂടം എച്ച്‌-ബി വിസയില്‍ ചില നിയന്ത്രണങ്ങള്‍ കൊണ്ടു വന്നിരുന്നു.
