ലക്നോ: ഉത്തര്പ്രദേശിലെ അലഹബാദില് ഡോ. ബി.ആര്. അംബേദ്കറുടെ പ്രതിമക്കു നേരെ വീണ്ടും ആക്രമണം. പ്രതിമയുടെ തല തകര്ത്ത നിലയിലാണ്. ആക്രമണത്തിനു പിന്നില് ആരാണെന്ന് വ്യക്തമല്ല. ഈ മാസം ആദ്യവും അംബേദ്കറുടെ പ്രതിമയ്ക്കു നേരെ ഉത്തര്പ്രദേശിയില് ആക്രമണമുണ്ടായിരുന്നു. മീററ്റിലെ മവാനയിലായിരുന്നു അംബേദ്കറുടെ പ്രതിമ തകര്ത്തത്. ഫെബ്രുവരിയില് മിശ്രാണി ഗ്രാമത്തിലും അംബേദ്കറുടെ പ്രതിമ തകര്ക്കപ്പെട്ടിരുന്നു.
