വാഷിംഗ്ടണ്: വിവാദം കത്തിപ്പടര്ന്നതോടെ യുഎഎസ് സൈന്യം ട്വിറ്റര് ബോംബ് നിര്വീര്യമാക്കി. പുതുവര്ഷ ആശംസ നേര്ന്നുള്ള യുഎസ് സ്ട്രാറ്റജിക് കമാന്ഡിന്റെ ട്വീറ്റാണ് വിവാദമായത്. അണുവായുധം കൈകാര്യം ചെയ്യുന്ന സൈനിക വിഭാഗമായ സ്ട്രാറ്റജിക് കമാന്ഡിന്റെ ബോംബ് വര്ഷിക്കുന്നതിന്റെ ദൃശ്യങ്ങളടങ്ങിയ വ്യത്യസ്തമായ ആശംസയാണ് കത്തിപ്പടര്ന്നത്.
നിങ്ങള് തയാറാണെങ്കില് ന്യൂയോര്ക്കിലെ ന്യൂ ഇയര് ബോളിനേക്കാള് വലുത് വര്ഷിക്കാന് തയാറാണെന്ന് ബോംബര് വിമാനങ്ങള് ബോംബ് ഇടുന്നതിന്റെ ദൃശ്യങ്ങളോടെ സ്ട്രാറ്റജിക് കമാന്ഡ് ഔദ്യോഗിക ട്വിറ്ററില് ട്വീറ്റ് ചെയ്തു. സംഭവം മണിക്കൂറുകള്ക്കുള്ളില് വലിയ വിമര്ശനങ്ങള് നേരിട്ടു. ഇതോടെ സൈന്യം ട്വീറ്റ് പിന്വലിച്ച് മാപ്പ് പറഞ്ഞു.
തങ്ങളുടെ നേരത്തെയുള്ള പുതുവര്ഷ ആശംസാ ട്വീറ്റ് മോശമായിരുന്നു. ഇത് തങ്ങളുടെ മൂല്യങ്ങളെ സൂചിപ്പിക്കന്നതായിരുന്നില്ല. മാപ്പ് പറയുകയാണ്. അമേരിക്കയുടേയും സഖ്യകക്ഷികളുടേയും സുരക്ഷയ്ക്കായി തങ്ങള് പ്രതിജ്ഞാബദ്ധമാണെന്ന് സ്ട്രാറ്റജിക് കമാന്ഡ് പിന്നീട് ട്വീറ്റ് ചെയ്തു. ഇതോടൊപ്പം വിവാദ ട്വീറ്റ് പിന്വലിക്കുകയും ചെയ്തിട്ടുണ്ട്.