മഹാരാഷ്ട്ര മുഖ്യമന്ത്രി ഉദ്ദവ് താക്കറെയ്ക്കെതിരെ രൂക്ഷ വിമര്ശനവുമായി റിപ്പബ്ലിക് ടിവി എഡിറ്റര് അര്ണബ് ഗോസ്വാമി. ആത്മഹത്യപ്രേരണ കേസില് അറസ്റ്റിലായ അര്ണബ് കഴിഞ്ഞ ദിവസമാണ് ജാമ്യത്തിലിറങ്ങിയത്. ഇതിനുപിന്നാലെയായിരുന്നു അദ്ദേഹത്തിന്റെ വിമര്ശനം.
‘ഉദ്ധവ് താക്കറെ, ഞാന് പറയുന്നത് കേള്ക്കൂ. നിങ്ങള് പരാജയപ്പെട്ടു. നിങ്ങളെ പരാജയപ്പെടുത്തി. ഒരു പഴയ കള്ളക്കേസില് നിങ്ങള് എന്നെ അറസ്റ്റ് ചെയ്തു. എന്നോട് ക്ഷമ ചോദിക്കുക പോലും ചെയ്തില്ല. ശരിക്കുള്ള ഗെയിം തുടങ്ങിയിട്ടേയുള്ളൂ’- അര്ണബ് പറഞ്ഞു.താന് ജയിലില് ഇരുന്നും ചാനലുകള് ലോഞ്ച് ചെയ്യും. നിങ്ങള്ക്ക് ഒന്നും ചെയ്യാനാവില്ലെന്നും അര്ണബ് ഉദ്ധവിനോട് പറഞ്ഞു.
റിപബ്ലിക് ടിവിയെ തകര്ക്കാനുള്ള എല്ലാ ശ്രമവും ചെറുക്കും. ചാനലിനെ അന്താരാഷ്ട്ര നിലവാരത്തിലേക്ക് ഉയര്ത്തും. എല്ലാ ഭാഷയിലും ചാനല് സംപ്രേഷണം ചെയ്യുമെന്നും അര്ണബ് പറഞ്ഞു. തനിക്ക് പൂര്ണ പിന്തുണ നല്കിയ സഹപ്രവര്ത്തകരോടുള്ള നന്ദിയും അര്ണബ് പറഞ്ഞു.
ബുധനാഴ്ച രാത്രി 8.30 ഓടെയാണ് അര്ണബ് പുറത്തിറങ്ങിയത്. 50,000 രൂപയുടെ ബോണ്ടില് അര്ണബിനേയും കൂടെ അറസ്റ്റിലായ രണ്ട് പേരെയും വിട്ടയക്കണമെന്നാണ് സുപ്രീംകോടതി ഉത്തരവിട്ടത്.
