ന്യൂഡല്ഹി: ഉത്തരാഖണ്ഡില് പ്രളയബാധിത പ്രദേശങ്ങളിലേക്ക് അവശ്യവസ്തുക്കളുമായി പോയ ഹെലികോപ്റ്റര് അപകടത്തില്പെട്ടു. ഉത്തരകാശി ജില്ലയിലാണ് സംഭവം. ഹെലികോപ്ടര് താഴുന്നതിനിടെ വൈദ്യുത ലൈനില് തട്ടിയാണ് അപകടമുണ്ടായത്. അപകടത്തില് ആര്ക്കും പരിക്കില്ല.
ഉത്തരകാശിയിലെ മോറിയില് നിന്നും പ്രളയ ബാധിത പ്രദേശമായ മോള്ഡിയിലേക്ക് പറന്ന ഹെലികോപ്ടറില് മൂന്നു യാത്രക്കാരാണ് ഉണ്ടായിരുന്നത്.ഉത്തരാഖണ്ഡില് പ്രളയം മൂലം റോഡ് ഗതാഗതം തടസപ്പെട്ടതിനാല് ദുരിതബാധിത പ്രദേശങ്ങളിലേക്ക് അവശ്യവസ്തുക്കള് ഹെലികോപ്ടര് മാര്ഗമാണ് എത്തിക്കുന്നത്.