ന്യൂഡല്ഹി: രാജ്യത്തെ ഒരുമിപ്പിക്കുന്ന ഭാഷ വേണമെന്ന് ആഭ്യന്തര മന്ത്രി അമിത് ഷാ. രാജ്യത്ത് കൂടുതല് ആളുകള് സംസാരിക്കുന്ന ഹിന്ദിക്ക് അതിന് കഴിയുമെന്നും അമിത് ഷാ പറഞ്ഞു. ഹിന്ദി ദിവസിനോട് അനുബന്ധിച്ചാണ് അമിത് ഷായുടെ അഭിപ്രായ പ്രകടനം. ട്വിറ്ററിലൂടെയാണ് അമിത് ഷാ ഇക്കാര്യം പറഞ്ഞത്.
‘ഇന്ത്യ പലവിധ ഭാഷകളുടെ രാജ്യമാണ്. ഓരോ ഭാഷയ്ക്കും അതിന്റേതായ പ്രാധാന്യമുണ്ട്. എന്നാല് ലോകത്തിനു മുന്നില് ഇന്ത്യയുടെ വ്യക്തിത്വം ഉയര്ത്തിപ്പിടിക്കുന്ന ഏക ഭാഷ ഉണ്ടാവേണ്ടതും പ്രധാനമാണ്. അങ്ങനെയൊരു ഭാഷയുണ്ടാവുമെങ്കില് അതു ഹിന്ദിയാണ്’ അമിത് ഷാ ട്വീറ്റ് ചെയ്തു.രാജ്യത്തിന് ഏക ഭാഷ എന്ന മഹാത്മാ ഗാന്ധിയുടെയും സര്ദാര് പട്ടേലിന്റെയും സ്വപ്നം സഫലമാവാന് പ്രയത്നിക്കണമെന്നും അമിത് ഷാ പറഞ്ഞു.
