കൊച്ചി: മുന്‍ മന്ത്രി വി.കെ. ഇബ്രാഹിംകുഞ്ഞിനെതിരെ ഹൈക്കോടതിയില്‍ ഹര്‍ജി. ആലുവ മണപ്പുറം നടപ്പാലം നിര്‍മാണ അഴിമതിയില്‍ നടപടി വേണമെന്നാവശ്യപ്പെട്ടാണ് ഹര്‍ജി. ഹര്‍ജിയില്‍ ഹൈക്കോടതി സര്‍ക്കാരിനോട് വിശദീകരണം തേടി.
പൊതുതാത്പര്യ ഹര്‍ജിയിലാണ് കോടതി നടപടി. പാലം നിര്‍മാണത്തില്‍ 4.2 കോടി രൂപ ഖജനാവിന് നഷ്ടം വരുത്തിയെന്നും ഹര്‍ജിയില്‍ ചൂണ്ടിക്കാട്ടി. മുന്‍ മന്ത്രിയെ പ്രോസിക്യൂട്ട് ചെയ്യാനുള്ള അനുമതി സര്‍ക്കാര്‍ വൈകിപ്പിക്കുന്നു. സര്‍ക്കാര്‍ അലംഭാവത്തില്‍ ഇടപെടണമെന്നും ഹര്‍ജിക്കാര്‍ കോടതിയില്‍ ആവശ്യപ്പെട്ടു.
