ആമയിഴഞ്ചാന് തോട്ടിലെ അപകടത്തിന്റെ പശ്ചാത്തലത്തില് മാലിന്യ നീക്കവുമായി ബന്ധപ്പെട്ട് മുഖ്യമന്ത്രി വിളിച്ച പ്രത്യേക യോഗം ഇന്ന് നടക്കും.രാവിലെ 11:30 ന് ഓണ്ലൈന് ആയാണ് യോഗം ചേരുക.
മാലിന്യ കയത്തില് വീണ് ശുചീകരണ തൊഴിലാളി ജോയിയുടെ ജീവന് നഷ്ടമായതോടെയാണ് സര്ക്കാര് അടിയന്തരമായി യോഗം വിളിച്ചത്.തദ്ദേശ സ്വയംഭരണം, പൊതുമരാമത്ത്, തൊഴില്, ഭക്ഷ്യം, കായികം റെയില്വേ, ആരോഗ്യം, ജലവിഭവം വകുപ്പ് മന്ത്രിമാരും ബന്ധപ്പെട്ട എം എല് എമാരും തിരുവനന്തപുരം മേയറും യോഗത്തില് പങ്കെടുക്കും. ചീഫ് സെക്രട്ടറി ഉള്പ്പെടെയുള്ള ഉന്നത ഉദ്യോഗസ്ഥരും റെയില്വേ ഡിവിഷണല് മാനേജരും യോഗത്തിലുണ്ടാകും.
ആമയിഴഞ്ചാന് തോട് കടന്നു പോകുന്ന റെയില്വേ പ്രദേശത്ത് മാലിന്യം കുന്നുകൂടുന്നത് വെള്ളത്തിന്റെ ഒഴുക്ക് തടയപ്പെടുകയും തമ്ബാനൂരിലും പരിസരത്തും വെള്ളക്കെട്ടുണ്ടാകുന്നതിനും ഇടയാക്കുന്നുണ്ട്. രോഗാണുക്കള് പെരുകി ഗുരുതരമായ ആരോഗ്യ പ്രശ്നങ്ങള്ക്കും കാരണമാവുന്ന സാഹചര്യത്തിലാണ് യോഗം.
